Родителството се заснова на насочување, а не на постојана контрола. Важно е родителите да ги научат своите деца на добри вредности, но просилувањето не е начин на кој би требало тоа да го направат. Наместо да ги принудуваме децата да направат нешто, треба да се фокусираме на тоа да ги научиме преку нашиот сопствен пример, на отворен разговор и благ поттик.
Експертите споделуваат пет работи на кои многу родители се обидуваат да ги присилат децата, а навистина не би требале.
Ги тераат да бидат пријатели со сите
Природно е родителите да поттикнуваат љубезност и вклученост, но принудувањето на децата да бидат пријатели со секого може да има негативни последици. Децата, исто како и возрасните, имаат свои склоности, зони за удобност и инстинкти за тоа со кого се чувствуваат безбедно.
Форсирањето пријателства може да ги научи да ги игнорираат сопствените чувства и да толерираат нездрави односи. Наместо да ги притискате, научете ги да бидат љубезни со сите, но внимателно да избираат со кого вистински ќе се поврзат.
Кажување извинување кога тоа не го мислат искрено
Извинувањето е важна животна вештина, но тие ја губат својата смисла ако децата кажат „извини“ само затоа што се принудени. Кога тоа ќе се случи, зборот „извини“ станува обична формалност, наместо лекција за емпатија. Наместо да барате извинување, помогнете му на вашето дете да разбере зошто неговите постапки можеби повредиле некого и охрабрете го да изрази жалење на начин што ќе се чувствува искрено кон него.
Принудување да јадат дури и кога не се гладни
Многу родители се грижат за исхраната на своето дете, но принудувањето да јаде кога не е гладно може да доведе до нездрави навики во исхраната. Таквиот пристап може да предизвика прејадување, губење на природните сигнали за глад или негативен став кон храната.
Наместо да ги терате да јадат сè што е во нивната чинија, понудете им хранливи оброци во редовни интервали и верувајте дека ќе знаат да го слушаат сопственото тело. Учењето на свесно јадење е многу покорисно од користење на присилно чистиење на чинијата.
Ги тераат секогаш да споделуваат работи со другите
Споделувањето е важна вредност, но децата не треба да бидат принудени да се откажат од своите работи само затоа што тоа се очекува од нив. Присилувањето да споделуваат може да направи да се чувствуваат како да немаат контрола над сопствените работи, што може да предизвика фрустрација. Наместо да ги принудувате да споделуваат, научете ги за дарежливост и споделување, помагајќи им да ја разберат разликата помеѓу љубезноста и личните граници.
Не им дозволуваат да изберат креативен начин да решат нешто
Секое дете има свој уникатен начин на учење и решавање проблеми. Инсистирањето дека постои само еден „вистински“ начин може да ја задуши нивната креативност и самодоверба. Без разлика дали решаваат загатка, цртаат слика или го организираат својот простор, дајте им слобода да експериментираат. Поттикнувањето на креативното размислување им помага на децата да развијат вештини за решавање проблеми, независност и љубов кон учењето.
