Американската агенција Munchery неодамна интервјуирала 2.000 мајки и татковци и открила дека просечниот родител има само 32 минути за себе дневно. Да, повеќето мајки и татковци имаат малку повеќе од половина час дневно да си посветат само на себе.
Многу работат и се кријат од децата
Уште едно откритие кое е помалку депримирачко е тоа што 32 отсто од родителите не престануваат да работат до 20 часот, што секако го објаснува недостатокот на време во кое можат да направат било што друго освен секојдневни родителски должности и обврски.
Колку навистина им е тешко на родителите да најдат време за себе, говори и податокот дека родителите при интервјуирањето откриле дека се криеле од своите деца просечно четири пати неделно. Да, се чини дека понекогаш родителите треба да се преправаат дека одат во тоалет само за да добијат неколку моменти самотија.
Другите откритија го вклучуваат фактот дека родителите кои работат со полно работно време, просечно поминувале 18 часа неделно, директно грижејќи се за децата, а четвртина од родителите, или 24 отсто, поминувале повеќе од 30 часа неделно директно грижејќи се за децата, покрај нивните други обврски.
Пет пати неделно одат во продавница и се справуваат со бесот
Исто така се открило дека просечниот родител оди во самопослуга пет пати неделно и се справува со бесот и недоличното однесување на своите деца исто толку пати неделно.
Иако резултатите од ова истражување не се толку изненадувачки, тоа е секогаш добар потсетник дека на сите ни треба соодветно време за себе. Зошто ни е толку тешко да си дадеме приоритет на времето за себе? Знаеме колку очајно ни е потребно, како за нашето ментално здравје, така и за нашата способност да бидеме добри родители. Во секој случај, заслужуваме повеќе од половина час!
