Често се зборува за “гаслајтинг“ во врските, но психолозите предупредуваат дека децата често се жртви на овој облик на психичко насилство во семејствата.
“Гаслајтинг“ инаку е форма на емоционално злоставување во кое злоставувачот се обидува да ја излуди жртвата или да ја натера да почне да се сомнева во себе и во реалноста.
„Најчестата форма на “гаслајтинг“ подразбира да едно лице постојано ги омаловажува или намалува чувствата и грижите на друго лице“, вели Розен Капан-Хоџ, експерт за ментално здравје на децата.
Без разлика на тоа колку на родителите им изгледаат безначајни грижите и проблемите на децата, експертите истакнуваат дека е важно да се почитуваат нивните емоции и чувства.
„Семејството треба да биде безбедно место каде што детето се чувствува сакано и има поддршка. Гаслајтингот во кругот семејството може да биде особено опасен бидејќи ја уништува довербата и создава токсична средина“, вели психологот Дебора Гилман.
Таа истакнува дека децата кои растат во такви семејства може да имаат проблеми да им веруваат на другите кога ќе пораснат или да се плашат дека повторно ќе бидат повредени или изманипулирани.
Децата кои се жртви на “гаслајтинг“ често чувствуваат срам да ги изразат своите потреби кога ќе пораснат, поради страв од отфрлање или потсмев.
