Дали и самите чувствувате постојан замор, анксиозност, целосно отсуство на контрола во текот на некои денови? Се покажало дека овие симптоми ги препознале и дијагностицирале и самите медицински стручњаци.
Што е исцрпеност?
Во мај оваа година, Светската здравствена организација ја класифицирала исцрпеноста како феномен кој влијае на многу луѓе во работното опкружување.
Нејзините симптоми се:
- Недоволно енергија и исцрпеност
- Зголемена ментална дистанца во однос на работата
- Намалена професионална ефикасност
Иако исцрпеноста е препознаена како голем проблем поврзан за работата, се покажало дека таа е актуелна и надвор од работниот простор, мешу родителите кои постојано се преотоварени и под стрес.
Исцрпеноста е почеста појава меѓу родителите
Според најновите студии кои се објавени во Асоцијацијата за психолошка наука, “кога дневниот стрес на родителите станува хроничен, тој полека се трансформира во родителска исцрпеност, што потоа им дава чувство на оддалеченост од децата и несигурност околу воспитувањето. Ваквата исрпеност може да има сериозни последици за двајцата родители, но и за децата – занемарување на децата, мисли за бегството од се, нанесување болка“.
Џуди Клипин, стручњак во овв област, смета дека родителската исцрпеност станува голем проблем кој постојано расте.
Барањето помош, кажувањето “не’ и повеќе одмор се најдобриот начин да се избегне исцрпеност. Според Клипин, важно е живеењето во моментот, со цел да се избегне чувство на страв или оптовареност од минатото или иднината.
Таа развила процес од пет чекори за постигнување на целите и промени кои водат до посреќен, поздрав и поопуштен живот.
- Разгледајте во кој сегмент на својот живот треба да направите промени
- Исфрлете ги целите кои ги усреќуваат другите
- Кажете си ДА на себе
- Отфрлете амбивалентост
- Поставете реални цели
Како да избегнете исцрпеност
- Бидете добри кон себе. Бидете сочувствителни со себе секој ден.
- Престанете да се саботирате. Грижата за себе е поважна од пресилниот притисок и големите очекувања. Ова е особено важно за мајките.
- Кажете НЕ и побарајте помош. Не можете да постигнете се, дури и ако сакате. Разгледајате што не ви оди и кажете НЕ на тоа. Побарајте помош кога и да можете. Кога ќе дозволите луѓето да ви помогнат, дозволете и да ве сакаат.
- Јакнете ја свеста. Создадете време и простор секој ден да се поврзете со самите себе. Тоа ќе ви помогне да ги идентификувате своите потреби и желби. Научете да се слушате себе си.
