Комуникацијата со тинејџерите може да биде предизвик, а погрешните зборови често предизвикуваат повлекување или фрустрација. Експертот за родителство, д-р Луси Хемен, истакнува пет работи кои е најдобро да се избегнуваат во комуникација со тинејџери.
- Споредување со брат или сестра, пријател или соиграчво тимот
„Било каква споредба предизвикува емоционална експлозија кај тинејџерите“, објаснува д-р Хемен. Тие често чувствуваат длабок срам и непријатност, проследено со незадоволство или лутина. Затоа е важно да се избегнуваат споредби.
- Контролирање на однесувањето
Тинејџерите се во фаза на развој каде што треба да преземат одговорност. Прекумерни совети може да ги фрустрира, особено ако не им се потребни. Наместо тоа, прашајте ги: „Постојат ли работи во кои ти помагам, а кои повеќе не ми се потребни?“, објаснува д-р Хемен. Почитувајте ја нивната желба да бидат посамостојни и повлечете се со предлозите што повеќе не им се потребни.
- Поставување премногу прашања
Д-р Хемен советува дека ако поставувате премногу прашања и покажете премногу љубопитност за нивниот личен живот, тоа може да направи тинејџерите да се чувствуваат навредено и тие да се повлечат. „Целта е да се покаже интерес за она што го зборуваат, но да не се претера“, вели д-р Хемен.
- Претпоставување на најлошото
Претпоставките за лошо однесување може да ги обесхрабрат тинејџерите. Наместо: „Пак нема да учиш?“ кажете: “Каков ти е планот за учење? Како можам да ти помогнам?” истакнува д-р Хемен.
- Прекршување на границите
„Тинејџерите обично не сакаат да знаат премногу за вашиот личен живот“, вели д-р Хемен. Споделувањето детали за развод или врски може да биде непријатно за нив, дури и ако мислите дека градите врска. Сè што го нарушува впечатокот за вашата емоционална стабилност или им изгледа премногу интимно, обично им прави непријатност, објаснува д-р Хемен.
