Крај на мај е, што значи дека се ближи крајот на учебната година.
Летото е веднаш зад аголот, како и годишните одмори, а родителите се повеќе време поминуваат со своите деца. Иако ова никогаш не е лоша идеја, таквиот распоред за повеќето родители е многу тежок поради сите останати обврски што ги имаат. Ова е особено тешко за оние кои во близина или воопшто немаат “баба/дедо сервис“.
Она што следи сега се нарекува “родителско согорување “ или “родителски бурнаут“ кое често влијае на менталното здравје, но и на односите.
Еве како ќе знаете дека тоа ви се случува, а ние ви претставуваме и неколку едноставни предлози како да се справите со тоа.
Вашето либидо е намалено
Физичката интимност често е прва што настрадува кога е во прашање “бурнаутот“. И покрај предностите на сексуалната интимност како што се опуптање, поврзаност и хормони на добро чувство, често може да биде многу тешко да се одвои време за такви работи, кога единствено што сакате да направите е да легнете пред телевизор и брзо да заспиете. Ако сте се нашле во ваква ситуација, обидете се да најдете помош, на пример дадилка или искористете платени, слободни денови за да ја разбудите заспаната страст со партнерот.
Почнавте да “пукате“ еден на друг
Кога сте исцрпени, ви снемува трпение, а караниците и несогласувањата демнат од секој агол. Ако забележите дека вие и/или вашиот партнер брзо и лесно се извикувате еден на друг и/или на децата, тоа се јасни знаци на соогорување. “Краткиот фитил“ може да ви биде проблем дома, на работа, но и во разни други ситуации. Реагирајте навреме и помагнете си еден на друг, бидејќи кој ќе ви помогне, ако не вие самите.
Сте се изолирале од останатите
Не е тајна дека дружењето со други луѓе, дури и во семејството, често е исцрпувачко. Но, ако во последно време сте забележале дека се повеќе се обидувате да се изолирате од другите, тоа е знак дека нешто се случува. Повторно, помагајте си меѓусебно пак да се поврзете, па дури и ако само одите на прошетка и не си кажете ниту збор. Сепак, дајте му доволно простор што му треба на партнерот, бидејќи не е потребно се да правите заедно.
Се жалите секој ден
Ако се освестите дека секој ден се жалите дека деновите ви се монотони и дека само се жртвувате, почнете нешто да менувате. Жените обично се тие кои повеќе се жалат, но често токму тие мораат да водат сметка за повеќе работи истовремено. Жените така го жртвуваат времето за себе и/или за партнерот во име на своите деца и семејството, а согорувањето е неизбежно. Променете го начинот на кој го правите дневниот распоред и секој ден издвојте време за себе или за забава со семејството. Нема да биде лесно, но мора тоа да го направите бидејќи сите ќе бидат посреќни.
