Многумина мислат дека контролираниот плач е метода која се состои од тоа да едноставно го пуштите бебето да плаче додека повторно не заспие, но вистината е поинаква, оти контролираниот плач подразбира да бебето го пуштите да плаче само на краток период.
Накратко, оваа метода работи по принципот да, кога ќе дојде времето за спиење, бебето го ставите во кревет и ја напуштите собата. Ако бебето почне да плаче, родителот треба да се врати и да го утеши бебето, но не и да го дигне од креветче. Постапката треба да се повторува се додека бебето не заспие. Иако е многу тешко и неприродно да се остави детето да плаче неколку минути, стручњаците истакнуваат дека, ако бебето развие асоцијација да кога родителот излегува од соба треба да спие, и вие ќе можете да го добиете одморот кој ви е потребен.
Значи, детето ставете го во кревет, а кога че почне да плаче излезете од собата. Ако плачењето продолжи, вратете се во собата и тешете го детето со глас, без да го подигате од креветчето. Оваа постапка повторувајте и секој пат продолжувајте го отсуството се додека бебето не заспие.
Методата треба да даде резултати по една до две недели. Оваа метода не е подобна за деца помлади од шест месеци, како и за деца кои имаат здравствени проблеми.
