Животот во странство може да не збогати и да отвори нови можности за запознавање на децата со нови јазици и култури. Но, преселувањето е секогаш голема животна промена, особено за семејствата со деца. Ако размислувате да живеете во странство со деца, треба да се земат предвид дополнителни фактори, како што се трошоците за чување на децата, дали има доволно паркови и разни здравствени и безбедносни прашања.
Некои земји и градови се многу подобар избор за живеење со деца од другите. Според новиот извештај на компанијата за животно осигурување Reassured, објавен овој месец, Виена е на прво место. Во главниот град на Австрија, грижата за децата во просек чини 256,07 евра месечно, додека вкупните просечни месечни трошоци за живот на едно семејство изнесуваат 3206,34 евра.
Во таа сума, најзначаен трошок е киријата на куќа со три спални соби, за која е потребно да се издвојат околу 1.550 евра. Релативно ниската стапка на загадување и криминал, исто така, ја зголемува привлечноста на растењето деца во овој централноевропски град.
Сепак, според анализата, Виена има само 44 паркови, многу помалку од второпласираната Прага со 106 и третопласираниот Рим со 148. Рим исто така нуди најголем број на активности прилагодени за деца од кој било град на листата, со 687.
И Прага и Рим имаат пониски вкупни месечни трошоци за живот на семејствата, односно 3078,27 и 3074,26 евра. Но, месечните трошоци за грижа за децата се многу повисоки и изнесуваат 903,74 евра во Прага и 467,53 евра во Рим.
Нивото на загаденост во Прага, Чешка е исто така двојно поголемо од Виена, додека во Рим е речиси четири пати повисоко. Италијанскиот град, исто така, има значително повисока стапка на криминал, што ја прави безбедноста загрижувачка за семејствата.
Ова се десетте најдобри градови низ Европа во кои можете да се преселите како семејство, според извештајот на Reassured:
- Виена, Австрија
- Прага, Чешка
- Рим, Италија
- Хелсинки, Финска
- Салцбург, Австрија
- Нирнберг, Германија
- Инсбрук, Австрија
- Берген, Норвешка
- Голвеј, Ирска
- Трст, Италија
