Улогата на таткото никогаш не треба да се занемарува или да се намалува во воспитувањето на детето. Ова се три знаци дека во вашиот дом живее супер татко.
- Игра со децата и кога е уморен
Татковците многу работат, до доцните вечерни часови, понекогаш и преку викенд, но супер таткото секогаш наоѓа време и енергија за игра со децата. Не важно дали се работи за борење, читање приказна за добра ноќ или преслекување на куклите, тој негува ритуали со своите деца и важно му е да знаат дека е тука за нив секој ден.
- Ги става децата на прво место
Тука не се мисли на некои вообичаени работи во кои е нормално да родителот го стави детето на прво место. Супер таткото попрво ќе гледа цртан филм кој децата го сакаат отколку натпревар кој сам сака. Ќе земе помал колач за детето да земе поголем. Ќе изгуби во тркање, последен ќе се истушира… тоа е едноставен начин на кој ќе каже ‘те сакам“.
- Се во животот го прави подобро
Кај кого трчаме ако на велосипедот му падне ланецот, играчката веќе не пее, батеријата е празна? Кај тато. Тој е тука да ги поправи работите и да им даде нов живот. Кој се ќе среди, ако не супер таткото? Лекува дури и повредени чувства. Освен што се поправа, со него се е поубаво и подобро.
