Сите сакаме нашите деца подобро да се подготват за иднината и да бидат поуспешни, но не и да станат перфекционисти или наметливи. Ново истражување покажува што е важно за децата. Студијата ги следела когнитивните и академските перформанси на над 4.500 деца на возраст од 8 до 11 години.
Ова се три правила кои треба да ги спроведете за детето да има подобар успех во училиште:
Ограничете го времето пред екрани на два часа дневно
Иако научниците истакнуваат дека е потребно уште повеќе истражувања на оваа тема, се знае дека ако детето поминува премногу време пред различни екрани може да има негативни последици. Советите на психотерапевтите се да направите зона во која нема уреди (за време на ручек, вечера или во спалната соба) и активно учество на детето во други активности.
Еден час физичка активност дневно
Ова е вистински предизвик и за ова важи “полесно е да се каже, отколку да се направи“. Стручњаците предлагаат да им се придружите во физичката активност со децата или да понудите прошетка по пишувањето домашна или учење.
Навремено легнување на спиење
Многу е важно детето да спие помеѓу 9 и 11 часа. Важно е да има рутина на спиење која треба да важи и за викендите и празниците. Според едно истражување, токму поставувањето на правила ќе му овозможат на детето подобар сон, што на крајот резултира и со подобар успех во училиште.
