Во седумдесеттите и осумдесеттите години беше нормално децата да остануваат сами дома по враќањето од училиште додека нивните родители не дојдат од работа, но денес се помалку од нив остануваат без надзор.
Експертите сметаат дека повеќето деца помлади од девет години не треба да бидат сами дома после училиште, како и дека децата до 13 години немаат доволно развиени капацитети да реагираат во непредвидливи ситуации, поради што не е пожелно да бидат сами подолго време. Сепак, одговорот на ова прашање не зависи секогаш само од возраста на детето.
Децата помлади од 12 години ретко се доволно зрели за да се справат со итни ситуации и не треба да се оставаат сами подолго време
Мајките и татковците најдобро ги познаваат своите деца, па затоа можат да донесат правилна одлука дали децата се доволно зрели да се грижат за себе дома. Повеќето деца почнуваат да остануваат сами дома околу 11-годишна возраст.
На што треба да внимаваат родителите?
- Според експертите, добро е детето да се остави само на кратки периоди и да се зголемува времето како што детето расте.
- Доенчињата и малите деца никогаш не треба да се оставаат сами, дури ни на неколку минути. Ова важи и за оставање во автомобилот.
- Децата помлади од 12 години ретко се доволно зрели за да се справат со итни ситуации и не треба да се оставаат сами подолго време.
- NSPCC, водечка добротворна организација за злоупотребувани деца во Велика Британија, вели дека децата се подготвени да останат сами преку ноќ дури на возраст од 16-години.
Меѓутоа, повеќето упатства се потпираат на тоа родителите да ги слушаат потребите и чувствата на своето дете и сами да одлучат кога детето е подготвено за тој голем чекор. Ако децата не се подготвени или не сте сигурни дека се подготвени да останат сами, немојте да ги оставате сами дома.
Кога ќе донесете одлука да ги оставите сами, важно е да преземете разумни мерки на претпазливост. Оставете список со броеви за вашето дете да ги повика во случај на потреба. Погрижете се да бидете во можност да се вратите дома во секој момент, доколку има потреба. Погрижете се сите потенцијално опасни предмети – алати, ножеви и лекови – да се подалеку од дофат на деца. Ако имате соседи на кои им верувате, можете да се договорите со вашето дете да контактира со нив во случај на каква било потреба. Погрижете се вашето дете да знае во кое време да ве очекува дома и што да прави ако доцните.
За деца со алергии, отстранете се од домот што може да предизвика алергиска реакција и погрижете се детето да има пристап до комплет за прва помош и EpiPen доколку му треба. Ако имате домашни миленици, размислете дали е безбедно да го оставите вашето дете дома со нив без надзор.
