Дури 45% од децата и младите на возраст помеѓу 9 и 17 години ги занемариле пријателите, семејството и домашните задачи поради зависноста од интернет, а на 15% од нив им се случува да не јадат или да не спијат од истата причина, покажало меѓународно истражување.
Студијата истовремено покажала и дека половина од испитаните деца се чувствувале лошо, оти не можеле да поминат време на интернет. Во групата деца од 14 до 17 години, анкетата покажала дека 70% од нив биле изложени на штетни и негативни содржини, односно гледале насилство, повредување луѓе и животни. Дури 60% гледале и упатство за тоа како да се изврши самоубиство.
Децата до 5 години на интернет може да минуваат не повеќе од 30 минути дневно, постарите деца не повеќе од 60-90 минути и се што се прави над ова време се смета за зависност. Претераната зависност од модерната технологија има и клинички манифестации – деца се осамуваат, ја занемаруваат хигиената, секогаш им е потребно уште време, се лутат и стануваат и бесни ако им се каже дека имаат некои поважни обврски.
