Колин Крафт, лекар од универзитетската болница „Emory“ во Атланта, вели дека некои случаи укажуваат на тоа дека луѓето кои ќе се разболат по втор пат може да имаат поблаги симптоми. „Не знаеме, но мислиме дека кога повторно ќе се заразите, веројатно ќе имате многу полесни симптоми затоа што вашиот имунолошки систем веќе еднаш се борел со оваа болест“
Како што се зголемува бројот на нови случаи на коронавирус, така се зголемува и бројот на луѓе кои се опоравиле од болеста.
Меѓутоа, пациентите кои ќе го прележат COVID-19, можеби нема веднаш дa се чувствуваат комплетно здраво. Несаканите ефекти може да потраат, а медицинските експерти изразуваат загриженост поради долгорочните оштетувања, особено на белите дробови и срцето. Исто така, иако пациентите веројатно ќе бидат имуни на вирусот барем некое време по оздравувањето, постои загриженост од повторна инфекција, што значи дека луѓето кои ја преболеле болеста треба и понатаму да продолжат да носат маски, да се дистанцираат и да следат други препораки, како што е честото миење на рацете и избегнување на допирање на лицето.
Д-р Патрик Качур, професор на Универзитетот „Mail Columbia School of Public Health“ во Њујорк, истакнува дека се забележани мал број на случаи на лица, кои се по втор пат заразени со COVID-19. „Сè уште не знаеме колку тие можат да бидат заразни“, изјави тој за „Today“.
Колин Крафт, лекар од универзитетската болница „Emory“ во Атланта, вели дека некои случаи укажуваат на тоа дека луѓето кои ќе се разболат по втор пат може да имаат поблаги симптоми.
„Не знаеме, но мислиме дека кога повторно ќе се заразите, веројатно ќе имате многу полесни симптоми затоа што вашиот имунолошки систем веќе еднаш се борел со оваа болест“, рече таа.
И Качур и Крафт изјавија дека е важно да се продолжи со носењето маски, особено затоа што вирусот продолжува да се шири со голема брзина. Покрај намалувањето на шансите за повторна инфекција со COVID-19, носењето маска ќе помогне и да ги заштитите луѓето околу вас од други вируси.
„Можеби во себе носите нешто друго освен COVID-19, па затоа е добро да се обидете да го намалите пренесувањето на респираторни вируси“, смета Крафт. „Тие капки пренесуваат многу различни работи, така што генерално самото носење маска е здрав начин на однесување, особено во моментот“.
Качур се согласи дека продолжувањето на носењето маски може да го спречи ширењето на други вируси, што може да биде важно, особено додека лекарите се обидуваат да разберат повеќе за долгорочните ефекти на COVID-19 врз телото.
