Во денешниот забрзан начин на живот, можеме да заборавиме да им изразиме важни мисли на нашите деца. Зборовите на љубов, поддршка и разбирање имаат неверојатна моќ да го обликуваат нивниот емоционален развој и можат да создадат основа за силен однос. Детскиот психолог Џејми Блох тврди дека вистинските зборови и изрази имаат значително влијание врз нивното ментално здравје и нивната перспектива за себе и за животот.
Според неа, ова се неколку такви реченици или фрази кои често забораваме да им ги кажеме на децата, а тие треба да ги слушнат.
- Јас сум секогаш тука за тебе без разлика на се, дури и кога ни е тешко.
- Сакам да ги слушам твоите размислувања и ставови. Секогаш учам нешто ново.
- Во ред е да се каже не, дури и на возрасните.
- Во ред е да бидеш лут/тажен/повреден/загрижен. Кога ќе бидеш подготвен/а, можеме да разговараме за тоа.
- Те сакам токму таков/а каков/ што си.
- Денот кога си роден/а беше почеток на најубавите денови во мојот живот. Нашето семејство не би било исто без тебе.
- Верувам во одлуките и изборите што ги донесуваш.
- Го видов ова денес и ме потсети на тебе.
„Најважните работи што нашите деца треба да ги слушнат од нас се често и наједноставните. Тоа се зборови што им даваат до знаење на нашите деца дека се сакани и доволно добри. Можеби мислиме такви работи за нашите деца, но нивните уши треба да слушнат тоа“, истакнува психологот.
