Желбата на секој од нас е да има здраво и среќно дете. Учењето на детето е основите на правилната исхрана е еден од начините да се обезбеди негово добро здравје. На тој пат ќе постојат многу пречки кои некогаш полесно, а некогаш потешко се надминуваат. Една од тие пречки се слатките. Како да го спречите детето да се навикне на слатки? Дали тоа е воопшто можно? Како да го контролирате внесот на слатки? Еве неколку совети од нутриционистите:
Колкава количина на шеќери е прифатлива?
Препорака на стручњаците е дека децата помеѓу 2 и 18 години не треба да внесуваат поголеми количини на шеќер од 24г или 6 лажички дневно. Децата до втортата година не треба воопшто да внесуваат шеќер.
Исхрана со многу додаден шеќер во детството, доведува до развој на гојазност, зголемено ниво на глукоза во крвта, а подоцна во животот и до дијабетес и зголемен ризик од срцеви заболувања.
Користете ја математиката
Читајте го составот на производи и имајте на ум дека една лажичка е околу 4гр шеќер. Најлош избор се повеќекратно преработени производи поради висока концентрација на додаден шеќер. Имајте предвид дека шеќерот неретко се крие зад различни имиња.
Таканаречените „слатки синоними„ (скриени шеќери) му прават голема штета на организмот ако се земаат неконтролирано, а се наоѓаат во месните, млечните, пекарските и кондиторските произзводи:
- Пченкарен сируп
- Декстроза
- Концентрирани овошни сокови
- Агаве сируп
- Демерера шеќер
- Кафеав шеќер
- Флуктоза
- Галактоза
- Малтодекстрин
- Манитол
- Сорбитол
- Оризов слад
- Јачменов слад
Бидете свесни за фактот дека инаку здравите индустриски производи како мусли или корнфлекс, често имаат значајно повеќе дополнителен шеќер од она што мислиме. Препорачаната порција на мусли (30г) може да има и до 10гр шеќер (2 ½ лажички).
На почетокот на социјалниот живот на детето, неминовно се среќаваме со сомнеж и двоумење поврзани со детското консумирање на слатки. Строгиот пристап може да биде контрапродуктивен и да доведе до тоа детето кришум да претерува со слатките.
Предлози кои помагаат во разумната контрола на внесот на слатки кај детето:
- Научете ги децата да јадат разноврска храна. Веќе напоменавме дека малите деца треба да пробаат и 10 до 15 пати нова намирница, додека не го прифатат новиот вкус. Кога се постарите деца во прашање, треба да се научат дека храната не е живо суштество да се сака, туку потребна енергија за добро здравје.
- Обезбедете намирници кои вашето дете сака да ги јаде
- За ужина секогаш понудете им овошје и зеленчук
- Кога детето е жедно, понудете му само вода. Соковите се полни со дополнителни шеќери и празни калории
- Наместо да купувате слатки правете домашни. Постојат намирници и зачини кои може да го заменат шеќерот и да обезбедат сладок вкус кој е природен. Во најмала рака можете да ја намалите количината на дополнителни шеќери.
- Направете разлика меѓу слатки и здрави ужини со благ вкус. Слатките обично се празни калории кои само „бараат уште„, додека домашните колачи може да бидат здраво јадење со многу вредни хранливи материи. Освесните снегулки, сувото овошје и јаткастите плодови, млечните производи, свежото овошје, какаото, како и уште многу други намирници може да произведат „здрави колачи„.
- Држете го под контрола она што вашето дете го јаде и пие дома. Кога е на прослава или посета кај другарите или фамилијата, пуштете го само да одреди кога му е доста.
- Слатките во потполност може да се изостават во исхрана и затоа за нив не треба да се расправа секој ден и да им се дава значење. Колку построго се забрануваат, толку желбата за нив ќе биде поголема.
- Не заборавајте да бидете добар пример на своето дете. Од вашиот пристап кон слатките, ќе зависи и односот на детето кон ова „нездраво задоволство„.
