Познато е дека децата родени во Јапонија се сметаат за најздрави, додека оние од Данска се најсреќни. Но, дали знаевте дека француските деца се сметаат за најпристојни и најучтиви? Еве зошто.
Им се дозволува сами да ги прават тешките работи
„Можам сам“, е омилена фраза на малите деца и тоа со добра причина. Децата уште на рана возраст откриваат како функционира нивното тело и како да го користат. Меѓутоа, добронамерните родители понекогаш ја задушуваат автономијата на децата и прават се за нив. Французите се спротивставуваат на оваа филозофија со тоа што децата ги третираат како возрасни, а не како беспомошни бебиња.
Не ги фалат премногу со нив
Во страв да не го повредат детето, родителите понекогаш ги фалат децата за се. Но, тоа е бесмислено на долг рок. Наместо тоа, Французите не ги фалат децата за секоја ситница. Тие знаат дека кога децата, кога навистина ќе ја заслужат нашата пофалба, ќе бидат горди на она што го научиле или направиле.
Тие ја разбираат вредноста на времето само за возрасните
Некои родители инсистираат нивните деца да бидат постојано со нив, но не и Французите.“Родителите во Франција се вклучени, но не се опсесивни. Тие не се постојано на услуга на нивите деца и знаат дека поради тоа не треба да се чувствуваат виновни“, велат експертите за родителство.
Од доенечка возраст учат да си легнуваат рано
Стереотипната исцрпена мајка е реткост во Франција. Бебињата во оваа земја не знаат веднаш да ја преспијат цела ноќ, но нивните родители им даваат можност сами да се смират. Доенчињата во Франција на тој начин не стануваат зависни од тоа да бидат нишани, нахранети и смирувани пред спиење, а родителите добиваат време за себе кога рано ќе заспијат.
Овошјето и зеленчукот им се први намирници
Француските деца се познати како непребирливи во јадењето. Тие без проблем во училиште јадат варено цвекло, полжави и спанаќ.
Која е тајната? Французите не готват посебни оброци за деца и возрасни. Од децата се очекува да јадат ист оброк како и нивните родители. Дохраната на бебињата ја започнуваат со пасирани верзии на овошјето и зеленчукот што го јадат нивните родители, а не со благи детски житарки.
Тие не го гледаат светот како опасно, заканувачко место
Родителството предизвикува анксиозност и тоа е нормално. Иако се свесни за опасностите, француските родители преземаат разумни мерки на претпазливост и не паничат за добросостојбата на нивните деца. Таквата помирна перспектива ги прави подобри во поставувањето граници и давањето автономија на децата.
