Иако се согласуваат во поголем број работи, родителите често може да имаат и несогласувања. Неретко е тоа борба за воспитување на децата.
Несогласувањето по прашање на воспитување на децата може дополнително да го влоши постоечкиот проблем. Доколку за тоа се искарате пред децата, и двајцата губите авторитет. Прочитајте по што треба да се раководите.
- Никогаш не се расправајте за дисциплинирањето пред децата
Тоа нека биде ваш договор. Тоа значи дека и двајцата ќе мора да замолчите во одреден момент. Само кога разговорот со детето ќе заврши, тогаш разговарајте со вашиот партнер ако не ви се допаѓа неговата одлука. Зборувајте со мирен глас и донесете подобра одлука. И ако го промените начинот на дисциплина, и тоа е во ред. Важно е да бидете обединети пред детето.
- Сослушајте ги причините што ги кажува партнерот
Секогаш зборувајте убаво и обидете се рационално да разберете зошто вашиот партнер го избрал тој начин на воспитување. Особено ако при дисциплинирањето сте се вклучиле подоцна и не сте присуствувале на самиот проблем што го создал детето. Почекајте додека не добиете целосни информации. Почитувајте го пристапот на вашиот сопруг, дури и ако не се согласувате целосно.
Бидете отворени за компромис
Враќањето назад и поправањето на одлуките за дисциплина може да изгледа контрапродуктивно. Меѓутоа, понекогаш неопходно е д асе случи промена на одлуката, затоа што сите правиме грешки. Важно е и двајцата родители да ги изразат своите ставови и понекогаш да ја прифатат одлуката на другиот. Ако ја поправите вашата одлука, нема да направите грешка, туку ќе му покажете на детето дека е сосема во ред и возрасните да направат грешка.
- Не дозволувајте дисциплинирањето да се испречи меѓу вас двајца
Кога не се согласувате по прашање на дисциплината, не смеете да дозволите тоа да се попречи меѓу вас. Запрашајте се дали е поважно да бидете победник во расправијата или вашиот брак е на прво место. Не бидете тврдоглави за да победите. Секогаш држете се до поголемата слика. Запомнете – кога станува збор за дисциплинирање на детето, вие двајца играте за ист тим.
