Секој чие дете веќе тргнало во градинка знае колку разделбите при оставање во градинка може да бидат тешки. На децата не им е лесно да се одвојат од мама и тато, па многу од нив плачат на цел глас, поради што родителите неретко чувствуваат и вина што мораат да ги остават.
Во повеќето случаи, децата брзо се смируваат после тоа и уживаат во играњето со своите пријатели, но тоа не го олеснува разделбите.
За среќа, постои нешто што може да помогне, а експертот за ран детски развој и мајка на три деца, Ејми, ја знае тајната.
“Во моментот на раздвојување, тие ги “скенираат” заканите, се концентрираат на она што се случува и набљудуваат сè околу нив. Кога ќе се одвојат од вас, нивните аларми во мозокот се активираат. Раздвојувањето им изгледа ненадејно и неочекувано”, вели Ејми.
Ако се прашувате што можете да направите во врска со тоа, клучот, тврди таа, е во таканаречениот ран поздрав.
Што е ран поздрав?
Она што треба да направите е да го подготвите вашето дете за разделбата многу пред тоа да се случи. Ова може да значи, на пример, да го гушнете и бакнете пред да пристигнете во градинка, но претходно да му објасните дека отсега па натаму ќе го поздравувате порано, пред да пристигнете во градинка. „Тоа може да биде дома или кога ќе излезете од автомобилот“, додава Ејми.
Таа советува и да чучнете за да бидете физички на ниво на детето и за да бидете поврзани.
„Децата ја впиваат енергијата на нивните родители, затоа потрудете се да бидете смирени и самоуверени.
За да го поттикне ослободувањето на хормоните на среќа кај децата и да избегне плачење кога се збогувате, таа советува да го гушнете, бакнете и погалите вашето дете додека истовремено му порачувате дека неговите чувства се во ред, дека ги прифаќате.
„Поздравете се со детето самоуверено, едноставно мафнете му или испратете бакнеж и верувајте во способноста на вашето дете да биде добро кога ќе заминете“, порачува Ејми.
„Најдобро од сè е што мозокот на детето го сака она што е познато, сака шаблони, па колку подолго користите „рани поздрави“, толку повеќе детето ќе препознае што се очекува од него и ќе се чувствува сигурно“.
