Често жените по породувањето мислат дека се поминало и дека не треба да водат грижа за себе. Една од работите на кои не обрнуваат внимание е дали стомачните мускули се вратиле на место, особено оние жени кои почнуваат со вежбање, а не се подготвени.
Дијастазата се јавува кога стомачните мускули не можат да се растегнуваат под притисок на зголемената матка. Доколку не сте физички активни, па мускулите се во лоша состојба, и тогаш може да се јави оваа појава. Бремените жени ретко забележуваат дека имаат дијастаза. Тоа се случува кога шестте мускули на стомакот се наоѓаат рамно од секоја страна на стомакот. Овие мускули се многу важни бидејќи ги држат внатрешните органи внатре во стомакот.
Хормоните играат важна улога бидејќи тие го опуштаат сврзното ткиво за телото да се прилагоди на бебето да има место да расте. Често мускулите сами се враќаат на место по породувањето, кога ќе се стабилизира нивото на хормони во организмот.
Доколку стомачните мускули не се вратат на место помеѓу 3 и 6 месеци пи породувањето, постои можност дека нема да се средат без физикална терапија или некој друг инвазивен третман. Дури 40% од жените имаат дијастаза 6 месеци по породувањето.
Како се утврдува постоење на дијастаза?
За да се провери дали постои дијастаза, легнете на грб со свитакни колена и нозе на подот. Ставете ги дланките на стомакот. Лесно притискајте со прстите на делот кај папокот, а потоа полека подигнете ја главата, повлекувајќи ја брадата до градите. Ова предизвикува контракции на стомачниот ѕид. Ако помеѓу мускулите (на средина) имате растојание од најмалку 2 прста, значи дека иамте дијастаза. Празен простор од 4 до 5 прста се смета за многу сериозно. Повторете ја оваа постапка и веднаш над папокот, како и под него бидејќи раздвојувањето е на овие три места.
