Веднаш штом се забележат први чудни дамки или појави на кожата, се создаваат немир и бројни прашања кои се вртат низ главата на секој родител. За да решиме барем некои сомнежи и да ја намалиме загриженоста на родители, пронајдовме одговори на дерматолозите на некои од честите прашања.
Што да направите кога бебешката кожа е сува и груба?
- Внимавајте на температурата на водата
Иако секогаш постои страв дека детето ќе се настине или се плашиме дека водата е престудена, обидете се да пронајдете идеална температура. Жешката вода при туширање или капење дополнително ја суши кожата.
- Важен е и составот на облеката
Знаеме дека е тешко да се оддолее на убавите фустанчиња и интересните комбинации, но внимавајте за каква ткаенина се работи. За да спречите сврбеж предизвикан од лош избор на ткаенина и потење, идеално би било да нанесете балсам кој ќе ја смири кожата и ќе ја заштити и под сета облека на детето да му облечете памучно боди. Постојат балсами кои помагаат при иритирана и сува кожа сколна на чешање и чувствителна кожа склона кон атопија кај новороденчињата, бебињата, децата.
Што кога на бебето му е дијагностициран атописки дерматитис?
Атописки дерматитис е хронична воспалителна болест на кожата. Пациент со атописки дерматитис има ослабена функција на заштитната преграда на кожата, како и хиперактивен и неурамнотежен имун систем. Еден од симптомите е чешање, а факт е дека чешањето предизвикува многу проблеми. При чешање, детето со ноктите гребе по површината на кожата и таа станува воспалена, односно уште повеќе изиритирана и црвена што ја влошува состојбата. Од тие причини, треба максимално внимание да се посвети на рутината пред спиење.
- Внимавајте на температурата во собата каде спие детето
Токму превисоката температура е тригер за атописки дерматитис. Се препорачува собната температура да се намали за неколку степени, бидејќи високата дополнително ја суши кожата.
- Погответе смирувачка купка
Децата сакаат редовна рутина која ќе ви помогне при успивање на детето. За да го смирите бебето, треба да избегнувате активности кои ќе го разбудат. Една од препораките на докторката е детето да го смирите со купка. Секако треба да се внимава да се користат производи кои не се агресивни и се прилагодени за чувствителна и надразнета кожа склона на чешање и атопија.
