Со децении психолозите, психијатрите, педагозите, специјалистите за детски развој ни кажуваат дека на детето може да му недостига се, освен сигурното и доброволно присуство на неговата мајка.
Недостатокот на материјално, недостатокот на образование, па дури и недоволно присутниот татко може да се надоместат кога мајката ќе ја исполни својата улога на пружање љубов и сигурност.
Постојат мајки кои поради различни причини, вклучително и биолошки или емоционални проблеми, не ги поврзуваат своите деца со здрави емоционални врски. Тие се дистанцирани и ладни. Има и такви кои не зборуваат со детето ниту пак имаат физички контакт со него. Ваквите случаи бараат мајката да прифати дека постои проблем и да побара стручна помош за да се избегне трајно оштетување на детето
Томас Верни во својата книга „Тајниот живот на нероденото дете“, по години проучување на илјадници трудници, а потоа следејќи го животот на нивните деца, открил дека жената со правилен став, задоволна од животот што го води и со доволно љубов и грижа за нејзините деца, може да ги надмине најнеповолните услови за живот и да создаде силни, сигурни и емотивно стабилни деца. Но, мајката која не е заинтересирана остава сериозни последици врз детето кое е во период на развој.
Детето може да ја надмине смртта на мајката, но не и нејзиното доброволно отсуство или емоционална одвоеност.
Смртта не е отсуство
Детето чија мајка починала може да се изгради како личност без поголеми емоционални проблеми кога информациите што ги има за неа се емоционално здрави; односно кога детето било свесно дека мајка му безусловно го сака.
Што се подразбира под „отсутна мајка“?
Мајка која го напуштила или го напуштала своето дете
Без никакво објаснување или, уште полошо, оставајќи го детето со уверување дека е макар и во мал дел одговорно за нејзиното заминување. Овие ситуации долгорочно предизвикуваат сериозна емоционална штета.
Има долги или многу чести периоди на отсуство
Денес, многу мајки работат, патуваат и поради различни причини можеби не поминуваат доволно време со своите деца. Меѓутоа, детето чувствува и знае кога не е сакано или важно. Скапите подароци или кој било предмет што му е даден на детето не го надополнува отсуството, бидејќи детето знае дека се добиени поради чувство на вина, а не од искрена љубов.
Мајка која не е емотивно поврзана со своите деца
Постојат мајки кои поради различни причини, вклучително и биолошки или емоционални проблеми, не ги поврзуваат своите деца со здрави емоционални врски. Тие се дистанцирани и ладни. Има и такви кои не зборуваат со детето ниту пак имаат физички контакт со него. Ваквите случаи бараат мајката да прифати дека постои проблем и да побара стручна помош за да се избегне трајно оштетување на детето. Овој тип на отсуство е многу опасен.
Признавањето на проблемот е секогаш првиот голем чекор. Одвојте малку време за да размислите каде можеби сте биле недоволно присутни. Сигурно ќе откриете дека има многу работи што можете да ги промените и колку подлабоко анализирате, толку е порешителна вашата желба за промена и подобрување
Физички е присутна, но расеана со други прашања
Интересно е што овој тип на отсуство е најчестиот, најапсурдниот и оној кој во моментов нанесува најголема штета. Тоа се мајки кои се физички таму, со детето, но не обрнуваат ни трошка внимание бидејќи всушност се концентрирани на други работи како што се телевизорот, компјутерот или мобилниот телефон.
Овој тип на отсуство може да биде најмалку емоционално опасен, но формира нова генерација деца без никакви ограничувања, почит, вештини за социјализација. Тоа се деца кои пораснале сакајќи да го привлечат вниманието на мајка си, па се навикнале да го добиваат само кога ќе направат нешто навистина лошо што ќе го одземе нејзиното внимание од мобилниот телефон.
Предупредувачки знаци на дете кое се чувствува напуштено
- Проблеми со спиењето;
- Нарушувања во исхраната;
- Агресија или многу гнев;
- Тага;
- Страв од напуштање.
Ако се препознаете себеси или вашето дете во некоја од ставките, знајте: признавањето на проблемот е секогаш првиот голем чекор. Одвојте малку време за да размислите каде можеби сте биле недоволно присутни. Сигурно ќе откриете дека има многу работи што можете да ги промените и колку подлабоко анализирате, толку е порешителна вашата желба за промена и подобрување. А стручната помош секогаш може да биде добра работа. (Зелена учионица)
