Сигурно сте слушнале за „прегорување“, кога едноставно се прегорувате од обврски и стрес? Но, дали сте слушнале за синдром на изгорен тост?
Грижата за бебе и воспитувањето на детето никогаш не се лесни задачи. Но, денешните мајки со сето тоа, исто така мора да се соочат со тешкотијата да донесат правилна одлука со премногу достапни опции. Ова може да биде исклучително тешко кога одлуките треба да се носат неколку пати на ден. Да се биде родител бара компромис, но да се биде мајка понекогаш значи да се жртвуваат делови од себе за да се даде најдоброто од себе на вашето дете.
Жените често веруваат дека жртвувањето себе е најдобриот начин да го сакаат и да се грижат за своето дете. Таквото однесување често се проектира и се пренесува на другите членови на нивното семејство.
Мајките исто така имаат тенденција да ја занемаруваат својата кариера, социјалниот живот, интересите…сето тоа во корист на грижата за детето.
И иако „изолацијата“ во првите неколку недели по раѓањето на бебето може да има некаква смисла, тоа не е одржлива состојба. Ова е текст за синдромот на изгорен тост и како да се ослободите од него.
Зошто се нарекува синдром на изгорен тост?
Ако до сега не сте сфатиле, изгорениот тост е жена – мајка која прегорела во желбата да се грижи за своето дете што е можно подобро. Името може да изгледа глупаво и случајно, но всушност има смисла. Затоа што сите вие сигурно ќе се сеќавате на ситуациите за време на појадокот кога мама им ги подарува најдобрите и најубавите парчиња на другите членови на семејството, а она што можеби не изгледа толку привлечно и што не испаднало добро, го задржува за себе. Како на пример, парче изгорен тост.
Ова на крајот води до занемарување на сопствените потреби. Тие се засенети од нејзините напори да создаде удобен дом за нејзините деца, партнерот и другите членови на семејството кои се блиски до неа. Во основа, тоа е навика да се ставате себеси последен на вашата листа на приоритети. Жената со своите постапки покажува дека „заслужува само трошки“, а тоа едноставно нема да биде одржливо.
Дали е тоа безопасен мајчински инстинкт или нешто друго?
Секако, сите знаеме дека мајките треба да се жртвуваат за правилно да ги воспитуваат своите деца. Но, до кој степен? Дали ова значи дека вашето дете станува целиот ваш свет? Децата наскоро почнуваат да сфаќаат дека нивните мајки се подготвени да направат се за нивната благосостојба.
Тие го гледаат ова однесување цел живот и не сфаќаат колку тоа е навистина голема жртва и не го ценат колку што треба. Децата не им се заблагодаруваат на своите мајки за секој пат кога ќе ги стават пред себе и ќе си ускратат нешто. Природно е да сакаме да ги заштитиме нашите деца и да им го дадеме најдоброто, но самосаботажата во тој процес не е решение.
Знаци кои ќе покажат дека страдате од синдром на изгорен тост
- Почнувате да исклучувате сè околу вас
И мајките се луѓе. Тие заслужуваат да имаат интереси, хоби и социјален живот одвоен од нивните деца. Тие заслужуваат да комуницираат со врсниците кои ќе ги разберат и охрабруваат. Да ги исклучите сите само за да се фокусирате на грижата за вашето дете, не и помага ниту на мајката ниту на детето.
Ако забележите дека вашиот социјален круг се намалил, односно ги вклучува само најблиските членови на семејството, а другите не сте ги виделе или слушнале со месеци, имате симптом на изгорена тост.
- Се лишувате од основните работи што ви се потребни
Да се биде несебичен кога се во прашање вашите деца е сосема во ред кога тоа не е штетно за вашата благосостојба. Можете да им го дадете последното парче пица. Или да им посветите половина час иако повеќе би сакале да гледате вести. Но, не мора секое кафе да го пиете ладно, да не се туширате, да паѓате од нозете од исцрпеност и да не читате книга една година за да покажете дека се грижите.
Можете да им покажете на вашите малечки дека ги сакате додека се уште го храните вашето тело со хранливи материи и спиете барем онолку колку што му е потребно за да функционира. Уживајте во вашиот живот и ова ќе им покаже на вашите деца како да уживаат во својот!
- Постојано ги криете чувствата и ги игнорирате потребите
Имајте безусловна љубов кон вашето семејство, но тоа не значи дека треба да си ускратите љубов. Заслужувате нежност и внимание за сите компромиси што ги правите. А тоа значи да комуницирате со вашето семејство кога се чувствувате особено под стрес и сте преоптоварени со животот дома. На вашето семејство му е грижа за вас, исто како и вам, па ако има мали нешта што може да ги променат за да ви го олеснат животот, дозволете им. Нема потреба да ги чувате сите ваши чувства на запоставување и фрустрација во себе. Едноставно комуницирајте со вашето семејство и тие ќе разберат! Затоа што во спротивно, ќе изгорите во желбата да им угодите.
