Врската помеѓу мајката и детето се формира многу пред раѓањето, и некои истражувања тврдат дека детето може да ја почувствува психолошката состојба на мајката.
Смеењето на мајката
Ултразвук покажал дека фетусот потскокнува кога мајката се смее. На снимката јасно може да се види дека колку повеќе мајката се смее, толку детето повеќе се движи. Ова се случува поради мускулните контракции, и хормонот на среќа кој организмот го испушта.
Сакаат кога одморате
Бебето ќе го искористи секој момент кога одморате за да се движи во стомакот, оти тогаш телото мирува, а тоа има свој простор за непречено движење. Но, ова не трае долго, оти бебето ќе заспие, штом вие почнете да се одморате.
Сакаат масажа
Кога ќе наполни 20 недели, бебето може да го почувствува вашиот допир и во овој период ужива во масажа на стомакот. Ова е одличен начин таткото да на некој начин се поврзе со бебето пред раѓањето.
Топла купка
Кога доволно ќе пораснат, бебињата можат да ја почувствуваат температурата низ кожата на стомакот на мајката. Затоа не се препорачува жешка купка, оти може да биде опасна за бебето. Топла купка ќе ве релаксира и вас, но и детето.
