Месото е многу важен вид на храна која содржи клучни хранливи материи за развој на детето, како за раст, така и за развој на нервните клетки. Редовниот внес на месо и јајца е клучен за крвната слика на детето, бидејќи железото од намирници од животинско потекло неспоредливо подобро се апсорбираат отколку од растително потекло (25% апсорпција наспроти 3%). Освен со железо, месото е богато и со цинк и витамин Б.
Како да се надомести недостатокот на месо во исхраната?
- Ако детето сака да јаде јајца, можете да сметате дека проблемот главно е решен. Јајцата се комплетна и многу корисна намирница.
- Некои деца одбиваат да јадат месо поради неговата структура. Ги мрзи да го џвакаат месото. Некои деца имаат фаза во развојот, најчесто меѓу 2 и 3 години, кога го држат месото во уста и не сакаат да го изџвакаат и голтнат.
- Што може да му понудите на детето да полесно се согласи да го изеде месото:
- Обидете се да најдете меки парчиња јагнешко, јунешко или свинско месо, кои изобилуваат со железо. На пример, купете свинско филе.
- Секојдневно на трпезата сервирајте супи и чорби од пилешки ситнеш ли јунешко месо. Одличен избор се како супата од јунешки коски, така и чорбата со ситно исечкано месо.
- Правете оброци од мелено месо како што се плескавици, ќофтиња, шпагети со болоњезе сос, мусака, поленти пиперки и слично.
Подобро е детето да јаде повеќе пати дневно помали количини на месо, отколку одеднаш, бидејќи само одредена количина на протеини може да искористат по оброкот.
Секојдневно, во најмалку еден оброк, сервирајте му на детето мешунки, и ако дозволува возраста и јаткасти плодови, за делумно да се надомести недостатокот на месо. Тие имаат исти хранливи материи како месото, само во помали количини.
