Хипотермија е состојба на пад на телесната температура, која кај децата знае да падне и под 36 степени Целзиусови. Обично минува без симптоми и е резултат на недоволно развиениот центар за терморегулација кај децата, што доведува до осцилации на телесната температура. Хипотермијата е најчеста кај деца помали од две години, и според педијатрите, нема место за паника, бидејќи станува збор за ретка и неопасна појава која родителите случајно ја откриваат. Тие забележуваат дека детето е постудено од вообичаено, бледо е и невообичаено мирно.
Според лекарите, во таква ситуација родителот треба да го затопли детето, да го гушне и да му озовможи консумирање на топли напивки – чај, супа, какао…
“Ако за неколку часа температурата не се врати во нормала, детето треба дасе однесе на лекар. Хипотермијата може да биде последица на вирусна инфекција, но некогаш се јавува и по висика температура, кога родителите претеруваат со употреба на лекови. Важно е да се направи лабораториска анализа за проверка на нивото на леукоцити во крвта“, објаснува д-р Драгослав Максимовиќ, нагласуввајќи дека хипотермијата најчесто се јавува поради несоодветна примена на лекови.
Тој потенцира дека родителите треба да бидат внимателни кога при висока температура кај детето користат лекови за намалување, како и да бидат претпазливи и со туширањето кога се симнува температурата, бидејќи и со разладувањето треба да се внимава и да се користи со мерка.
