Кашлицата често се јавува кај децата како симптом на разни респираторни инфекции. Секогаш е најдобро да го однесете детето на лекар за работите да не се искомплицираат, а мајките откриваат и некои работи кои сите ги имаме дома, а кои можат да помогнат во моменталното ублажување на кашлицата – не и во нејзиното лекување.
ВОДА
Добро е на детето кое кашла да му дадете да пие многу вода, бидејќи течноста го разредува секретот кој така полесно ќе се исфрли. Исто така, водата може да помогне ако кашлицата е предизвикана од сув воздух во просторијата, што често се случува во зима поради загревање.
ТОПОЛ ЧАЈ
Топлиот чај може веднаш да го смири иритираното и надразнето грло и во оваа смисла ќе ја ублажи кашлицата.
ЛИМОН
Лимонадата секако добро влијае на имунитетот на децата, а внесувањето течност го разредува секретот во грлото, така што детето ќе има двојна корист од оваа напивка.
СОЛЕНА ВОДА
Солената вода може да ги ублажи симптомите на настинка и респираторни инфекции, како што се кашлица, затнат нос и болки во грлото. Вистина е, на децата не им се допаѓа да им се става солена вода во носот…
ПАРЕА
Вдишувањето на пареа, или како што често народски се нарекува, парење – инхалација, ќе го олесни дишењето и на тој начин ќе ја ублажи кашлицата. Можете да пуштите топла вода во бањата за просторијата да се исполни со пареа или да го постигнете истиот ефект со ставање на главата над сад со жешка вода или чај.
МЕД
Медот може да помогне и во ублажување на кашлицата, но имајте на ум дека не се препорачува за деца под една година. Децата до пет години можат да земат половина лажичка за ублажување на кашлицата, од шест до 11 години една кафена лажичка е доволна, додека постарите деца можат да земаат две лажички во текот на денот.
