На некои родители им е слатко кога нивните деца спијат мирно со отворена уста. Меѓутоа, дишењето на уста кај децата не е толку безопасно како што може да изгледа на прв поглед.
Всушност, тоа може да укажува на одредени медицински проблеми и може да предизвика сериозни здравствени проблеми. Постојат многу медицински проблеми поради кои детето дише преку уста.
Тие се состојат од затнат нос (предизвикан од алергии, синузитис или други проблеми), воспаление или различни типови на блокада, како полипи, на пример. Меѓутоа, на некои од нас, дишењето на уста е навика од раното детство.
Ако вашето дете е навикнато да спие со отворена уста, постои причина за загриженост. Еве неколку здравствени проблеми кои можат да настанат од дишењето преку уста кај децата:
Апнеја за време на спиење
Според лекарите, дишењето на уста може да предизвика појава на апнеја во сон (или да ја влоши апнејата ако лицето веќе ја има), а ова е една од најсериозните здравствени последици од оваа навика на дишење. Апнеја е нарушување на спиењето кое се јавува кога човековото дишење нагло престанува, а потоа повторно започнува.
Симптомите на апнеја вклучуваат ненадеен прекин на дишењето за време на спиењето, гласно ‘рчење, будење со сува уста, несоница и дневен замор. Апнејата сама по себе е опасна, а згора на тоа може да предизвика и други здравствени проблеми како што се проблеми со срцето, црниот дроб и метаболички проблеми.
Сува уста и кариес
Кога дишеме преку устата, протокот на воздух ги суши усните и целата уста, вклучувајќи ги и непцата. Резултатот се промени во бактериите кои природно живеат во нашата уста, што може да предизвика кариес и проблеми со непцата.
Лош загриз и други проблеми со забите и вилицата
Навиката да се користи устата за дишење наместо носот носи цела низа проблеми со забите и вилицата. Искривени заби, лошо загризување и неправилен раст на забите се само некои од нив.
Долго и тесно лице
Според студиите, дишењето на уста и држењето на јазикот во погрешна положба го прават долниот дел од лицето подолг. Овие особини се доста истакнати кај децата по петтата година.
Покрај издолжената долна половина на лицето, дишењето преку уста може да доведе до таканаречен конвексен профил со мала брада и косо чело. Ако забележите дишење преку устата или какви било други проблеми со дишењето кај вашето дете, посетете лекар што е можно поскоро.
