На 1. септември започнува новата учебна година и многу родители полека ги воведуваат своите деца во рутината. За да го подготви својот син за враќање во училишната клупа, мајката Никол Џексон снимила видео со список на работи кои нема да ги толерира.
„Што нема да направиме“ е насловот на видеото кое се осврна на најчестите борби со кои се соочуваат родителите на почетокот на новата учебна година.
„Цело лето живееше на зачинети чипсови, пилешки медалјони, сладоледи и одвратни пијалоци без било какви болки во стомакот. Немој да ми дојдеш и да ми кажеш дека те боли стомак“, било нејзиното први предупредување.
Исто така, таа го известила својот 13-годишен син дека нема да му дозволи да се преправа дека раното станување е невозможно. Го предупредила и облеката и се што му треба за на училиште, да го подготви претходната вечер.
„Нема да доживувам благ срцев удар за да ти помогнам да се извлечеш во последен момент“, додала таа.
Таа го подготвила нејзиниот син и на тоа да не се жали вториот училишен ден дека му недостига училишен прибор бидејќи „потрошила куп пари за да има се од списокот“.
На крајот, се пошегувала: „Нема да се жалиме на ручекпт кој е спакуван за на училиште. Буквално те однесов во продавница и прашав дали секој артикл е во ред, но кога тоа го споив во хранлив ручек, се жалиш дека е лошо“.
Таа го објавила видеото на ТикТок и не требаше долго да стане хит меѓу родителите. Многумина признаа дека таа ги насмеала до солзи.
