За време на бременоста, секоја жена се среќава и соочува со огромен број прашања за приватноста. Одеднаш секој мисли дека има право да ја праша идната мајка за најситни детали кои се однесуваат на зачнувањето, бременоста и процесот низ кој нејзиното тело минува.
Но, експертите советуваат кои пет прашања не треба никогаш да и ги поставите на една идна мајка.
- Како тоа да си трудна?
Ова прашање е доволно непријатно и кога нема да го постави некој кој долго не сте го виделе. Но, кога некој кој не го познавате доволно или го гледате многу ретко ви постави прашање со очигледен одговор од биологија, неизбежно е да почувствувате непријатност.
- Колку долго се обидувавте?
Ова е многу често прашање и претставува одраз на некултура. Не постои ситуација во која е правилно да се праша некој колку долго се обидувал да забремени, односно колку често стапува во сексуални односи со својот партнер.
- Се грижиш ли дали ќе ослабеш по породувањето?
Со оглед дека бременоста е процес на носење и формирање на едно човечко суштество во своето тело, сосема е нормално телото да се шири. За тоа е свесна секоја идна мајка и не е неопходно да се спомнува колку килограми зголемила.
- Знаеш ли сега колку работа ќе имаш?
Оваа реченица е меѓу најиритантните кај жените кои се бремени, а особено за оние трудници кои веќе се мајки. На оние жени кои за време на бременоста се грижат за своите деца и кои знаат дека по породилното ќе се вратат на работа и обврските, не е неопходно да им се соопшти дека ќе биде напорно.
- Сигурна ли си дека не се близнаци?
Денес, благодарение на современите медицински апарати, точно се знае која жена колку деца од очекува од бременоста. Постојаното потсетување на идната мајка дека изгледа огромно не е комплимент.
