Односот на родителите и тоа како влијае на детето, без разлика дали е добар или лош. Како што објаснува психологот Гордон Харолд од Универзитетот во Сасекс, сосема е разбирливо родителите одвреме-навреме да се расправаат пред своите деца, но исто така нагласува дека тоа може да предизвика и низа негативни последици. Тој вели дека односите дома многу влијаат на долгорочното ментално здравје и развојот на детето, пренесува Би-Би-Си.
Можни негативни последици за детето се нарушувања на спиењето, нарушен ран развој на мозокот кај доенчињата, анксиозност и проблеми со однесувањето кај децата од основно училиште, депресија, како и самоповредување
Многу досегашни истражувања спроведени токму на оваа тема сугерираат дека веќе од шестмесечна возраст детето изложено на конфликт може да има зголемен број на отчукувања на срцето и да чувствува стрес доколку неговите родители често се караат. Можни негативни последици за детето се нарушувања на спиењето, нарушен ран развој на мозокот кај доенчињата, анксиозност и проблеми со однесувањето кај децата од основно училиште, депресија, како и самоповредување.
Сите споменати негативни последици се забележуваат кај оние деца кои се изложени на постојани, но помалку интензивни конфликти меѓу родителите, во споредба со децата чии родители разговараат конструктивно и меѓусебните несогласувања ги решаваат на мирен начин, објаснува психологот.
