Секој месец, помеѓу 6. и 14. ден (ако е циклус од 28), хормонот ФСХ поттикнува созревање на фоликулите во јајчникот. Во периодот од 10. до 14. ден еден од фоликулите формира комплетно зрела јајце клетка. Околу 14. ден ЛХ ја ослободува таа јајце клетка. Таа неколку дена патува низ Фалопиевата туба до матката. Тогаш нивото на прогестерон се зголемува и и помага на матката да се подготви за бременост.
- Како доаѓа до зачнување?
До зачнување доаѓа кога сперматозоидот се спојува со јајце клетка која се ослободува и патува до матката. Додека патува, оплодената јајце клетка се дели на два, потоа на четири, а потоа на уште повеќе делови. Околу една недела по оплодувањето, клетката стигнала до матката и формирала околу 100 клетки, наречени бластоциста.
Следниот чекор е прикачување на бластоцистата на ендометриумот и овој процес се нарекува имплантација. Естрогенот и прогестеронот доведуваат до задебелување на ендометриумот, кој потоа ги обезбедува хранливите материи кои се потребни на бластоцистата за раст и развој на бебето. Хормоните се ослободуваат и му даваат сигнал на телото дека во матката расте бебе.
- Кога најрано може да забремените?
Јајце клетката живее само 24 часа, а сперматозоидите околу 5 дена. Тоа значи дека можете да имате односи неколку дена пред овулацијата, бидејќи сперматозоидите може да ги преживее тие неколку дена во женскиот репродуктивен тракт и да доведе до оплодување кога јајце клетката е подготвена. Шансите се најголеми на денот на овулацијата и три дена пред тоа.
Кои се симптоми на овулација?
- Некои жени може да почувствуваат мала болка
- Базалната температура е малку покачена
- Зголемен секрет, воденаст и проѕирен
- Понекогаш се јавуваат сукрвица
- Напнатост во градите
- Либидото е зголемено
