Изгорениците кај децата може да се појават во рок од 15 минути по изложувањето на сонце. Но, црвенило, непријатност и печење, како и затегнување на кожата може да се појави малку подоцна.
Изложеноста на детската кожа на сонце без заштита, особено на децата со светла кожа, пеги или бенки, може да биде многу опасно.
Симптоми на благи изгореници:
- Топла и црвена кожа
- Болка
- Чешање
Симптоми на посериозни изгореници:
- Црвена кожа на која се појавиле меурчиња
- Болка и пецкање
- Оток
- Главоболка
- Мачнина
- Температура и треска
- Вртоглавица
Што да направите:
Веднаш тргнете го детето од сонце. Истуширајте го детето со млако-студена (не ледена вода) и можете да менувате стерилни облоги натопени во вода на местата каде што има изгореници. После тоа, дајте му на детето течности и нека пие повеќе од претходно во следните 2 до 3 дена. Кога излегувате, сите изгорени делови треба да бидат покриени и заштитени.
Превенција:
- Избегнувајте сонце помеѓу 10 и 16 часот
- Заштитете ги децата со крема, облека, капа и очила (крем со заштитен фактор од најмалку 30)
- Бебињата под 6 месеци воопшто не треба да се изложуваат на директно сонце
Време е за итната помош
Во Брза помош или Ургентно обратете се ако забележите некој од следниве симптоми:
- На кожата се појавуваат пликови и детето има големи болки
- Лицето на детето е отечено од изгореници
- Изгореницата покрива голема површина на кожата
- Детето го тресе треска и има температура
- Се појавува главоболка, конфузија и вртоглавица
- Се појавуваат знаци на дехидрација
