Споделувањето е една од првите социјални вештини што се обидуваме да ја ги научиме нашите деца. Но, за нашите малечки тој концепт може да биде збунувачки. Психолозите тврдат дека, од нивна перспектива, сè на светот им припаѓа ним.
„На возраст од две до три години, децата почнуваат да го разбираат споделувањето и ја развиваат оваа вештина преку играње со своите пријатели и имитирање на вашето однесување“, вели терапевтот Пејџ Татл. Сепак, тој тврди дека некои деца можеби и понатаму ќе имаат потешкотии, но како што ќе достигнат училишна возраст, тие треба да бидат поспособни и поподготвени за делење.
Но, некои родители се прашуваат дали нивните деца воопшто треба да делат нешто. Психолозите Беки Кенеди и Рејчел Молитор ги имаат одговорите.
Дете кое не споделува не е лошо
Некои луѓе мислат дека децата кои не споделуваат се лоши, но Кенеди вели: „Во ред е понекогаш да не споделуваш“. Таа наведува една споредба: „Замислете дека читате книга и вашиот пријател бара да му ја додадете бидејќи и тој сака да ја чита. Веројатно нема да престанете да читате среде поглавје, туку би му ја позајмиле книгата кога ќе завршите“.
Таа додава дека несподелувањето во детството не е нужно лоша работа бидејќи тоа значи дека децата им даваат приоритет на сопствените потреби.
За децата под пет години, учењето споделување и социјални правила може да биде предизвик, но се подобрува со текот на времето, особено со поддршка. Ако ја поттикнеме оваа навика, децата ќе станат подобри во споделувањето на возраст од 6 до 8 години, велат психолозите.
Тие предлагаат неколку совети со помош на кои родителите можат да им помогнат на децата да развијат вештини за споделување.
- Однапред поставете ги нивните очекувања со објаснување зошто не е прифатливо да се грабне играчка.
- Објаснете им дека можат да го известат својот пријател кога ќе завршат со играњето.
- Пофалете ги вашите деца додека го чекаат својот ред.
- Пофалете ги кога ќе ги видите како споделуваат или играат убаво.
Да ги натерате децата да ја споделат својата омилена нова играчка или последното колаче во чинијата може да изгледа невозможно, особено за нашите малечки, кои мислат дека целиот свет се врти околу нив. Но, способноста за компромис и покажување емпатија се развива брзо со правилно водство на нивните најдобри модели – родителите.
