Во текот на првите месеци од животот, бебињата не можат да усвојат било каков вид на рутина за спиење. Овој процес започнува да се случува дури кога ќе наполнат четири месеци. Проблемот настанува ако можете да го заспиете детето само со хранење или носење во раце.
Бебињата се будат два до шест пати во текот на ноќта, што значи дека ќе мора да ги правите споменатите чекори секој пат кога ќе се разбудат. Обидете се со помош на одредени активности да го поврзете бебето со спиењето: искапете го, облечете пижами, прочитајте приказна и потоа затемнете ги светлата. Ставете го во креветчето пред да биде многу поспано. На овој начин, тоа ќе научи да го поврзе спиењето со лежењето во креветче, а не со држењето во раце.
Секако дека инстиктивно сакате да го утешите бебето кога плаче, но треба да почекате неколку минути да видите дали само ќе се смири. Ако и понатаму, после пет минути плаче, пријдете му и смирете го. Потоа излезете од собата и проверувајте ја ситуацијата секои пет минути додека не заспие. Следните ноќи, поместете го времето на проверување на 10 минути. Наскоро бебето би требало да научи како само полесно да заспие.
Педијатрите сметаат дека детето треба да престане да се храни во текот на ноќта кога ќе наполни шест месеци, иако најверојатно тоа ќе бара. Хранењето во текот на ноќта може да ги наруши дневните оброци. Тогаш консумира голем број калории, така што не е толку гладно во текот на денот. Следната ноќ тој повторно ќе побара да јаде.
Не дозволувајте вашето бебе да спие премногу често во количка, бидејќи после тоа ќе му биде потешко да заспие во креветче. Обидете се да го организирате денот така што детето може да спие во пријатна домашна атмосфера што е можно подолго.
