Цуцлата е подобро да се измие со вашата плунка, отколку веднаш да се стерилизира, барем така тврдат научниците. Тие велат дека нашата плунка е подобра и од испирање на цуцлата со обична вода, освен ако, секако не паднала во кал, во некое легло на бактерии, во тоалет… Но, ако паднала на релативно чист под, без паника излижете ја.
До овој заклучок дошле стручњаците од Шведска кои го проучувале овој познат родителски феномен и де обиделе да сфатат фали мајките и татковците грешат или можеби ризикуваат кога детската цуцла површно ја мијат со својата плунка.
Резултатите многу брзо станале “литература“ на релевантни институции и стручни портали, па така во списанието „Pediatrics“ им се сугерира на родителите помалку да креваат паника поради валкана цуцла.
Децата инаку се во состојба да излижат се и се да стават во уста, но цуцлата, колку и да е “расадник“ на бактерии, всушност е добра работа за имунитетот на детето. Затоа се сугерира родителите да престанат толку да им ги мијат и дезинфицираат рацете на своите бебиња, да им забрануваат да ги ставаат во уста, и тоа од иста причина како и за цуцлата.
Имено, со зголемената количина добри бактерии (кои ги има многу во усната шуплина) се создава посилен отпор на организмот и се намалува ризикот од појава на алергии кај децата, од разни егземи до астма.
Секако, тоа не се однесува на родителит кои имаат херпес или некој друг вирус, како ни ако цуцлата падне на многу валкан под или преполн со хемикалии. Но, во сите останати случаи, плунката на мама или тато е здрава и за детето.
За да ова го поткрепат, научниците собрале огромни податоци за бебиња и деца до три години. Критериумите биле следниве: дали родителите почесто ја лижеле цуцлата и му ја враќале на детето во уста, дали секој пат ја миеле цуцлата, или ја стерилизирале пред да му ја вратат на бебето.
Резултатите покажале дека групата деца чии родители не гледале панично на чистотата на цуцлата, во многу мал процент имале некакви алергиски реакции, а астма уште поретко, во однос на децата со измиени цуцли.
