Човечкиот мозок почнува да се развива уште пред раѓањето, а неговиот развој завршува дури околу 25-тата година од животот. Како ќе се одвива овој процес зависи многу од гените, но и од интеракцијата на детето со околниот свет, при што многу важни се бројните предизвици и наоѓањето решенија за нив во детството.
Според тоа, една од најважните работи што родителите можат да ја направат за развојот на мозокот на своето дете е да им овозможат активно да го истражуваат светот околу себе.
Истражување на околината
Родителите знаат дека на децата им е важно да го истражуваат светот околу нив, но во исто време се плашат да им дозволат да го сторат тоа бидејќи се плашат да не бидат повредени. Сакајќи да ги заштитат од разни опасности, ги заклучуваат фиоките и им даваат телефони за најмалите да бидат тивки и безбедни.
Иако стравот на родителите е сосема разбирлив, децата треба да ја истражуваат својата околина, да паднат во кал, да трчаат, да возат велосипед, да се качуваат на дрвја… а недостатокот на сето ова може да влијае на однесувањето, когнитивната, емоционалната и социјалната сфера на животот на детето.
Ова секако не значи дека децата треба да бидат оставени сами, без надзор, и покрај сите потенцијални опасности, туку дека треба да се внимава умерено за детето да биде безбедно и да има можност да истражува.
Што се однесува до децата од две години, кога мозокот сè уште многу активно се развива, невропсихологот Олесија Сударева открива што треба да знаат и умеат овие малечки.
Крупна моторика
Кога станува збор за вештини кои спаѓаат во крупна моторика, двегодишно дете треба да може да:
- Поминува различни пречки
- Да се качува нагоре и надолу по скали без да се држи за оградата
- Да заобиколува препреки што му се наоѓаат на патот.
Фина моторика
Кога станува збор за фини моторни активности, еве што треба да може да прави двегодишно дете:
- Да ги врти страниците на книгата страница по страница
- Да покажува претпочитање за користење на левата или десната рака (повеќето се десничари)
- Да црта вертикална линија
- Да собира топки во сад, да гради кула од коцки (преку грешки и нови обиди)
- Да умее да користи прибор за јадење. Се препорачува после една година детето прво да почне да користи само лажица, а потоа вилушка и нож (кои се тркалезни и наменети за деца).
Перцепција
- На возраст од две години, повеќето деца можат да разликуваат три бои.
- Го разликува значењето меѓу еден и многу (предмети, играчки…) и големи и мали
- Може да следи инструкции од три кратки елементи
Класификација на предмети по боја и форма
- Ги разликува обликот и големината на тридимензионалните играчки (кога се нудат две форми, како што се круг и квадрат)
- Може да препознае два предмети по звук кога не се гледаат – на пример, ѕвоно или труба
Разбирање
- Го разбира значењето на зборот „не“
- Го разбира значењето на некои вообичаени барања и упатства – дај ми, подигни го, стави ги играчките таму…
- Умее да покаже и ги знае имињата на најмалку три делови од телото
- Реагира вербално или со гестови на едноставни прашања од возрасни
Говор
- Прави реченици од два или три збора
- Ги повторува сите зборови
Меморија
- Може да запомни и пронајде некои скриени предмети
