Појавата на дури и најмала промена на кожата на новороденчето, внесува немир и загриженост кај секој родител. Ова се одговори од дерматолози на најчестите прашања на родителите, а кои се поврзани со бебешката кожа.
СУВА И ГРУБА КОЖА
- Внимавајте на температурата на водата
Иако секогаш постои страв дека детето ќе се настине или се плашиме дека водата е престудена, обидете се да пронајдете идеална температура. Жешката вода при туширање или капење дополнително ја суши кожата.
- Состав на облеката
За да спречите јадеж предизвикан од лош избор на ткаенина и потење, идеално би било под сета облека на детето да му облечете памучно боди. Постојат балсами кои помагаат при иритирана и сува кожа склона на чешање и чувствителна кожа склона кон атопија кај новороденчињата, бебињата, децата.
АТОПИСКИ ДЕРМАТИТИС
Атопискиот дерматитис е хронична воспалителна болест на кожата. Пациент со атописки дерматитис има ослабена функција на заштитната бариера на кожата, како и хиперактивен и неурамнотежен имун систем. Еден од симптомите е чешање, а факт е дека чешањето предизвикува многу проблеми. При чешање, детето со ноктите гребе по површината на кожата и таа станува воспалена, односно уште повеќе изиритирана и црвена што ја влошува состојбата. Од тие причини, треба максимално внимание да се посвети на рутината пред спиење.
- Собна температурата
Токму превисоката температура е тригер за атописки дерматитис. Се препорачува собната температура да се намали за неколку степени, бидејќи високата температура дополнително ја суши кожата.
- Смирувачка купка
Децата сакаат редовна рутина која ќе ви помогне при успивање на детето. За да го смирите бебето, треба да избегнувате активности кои ќе го разбудат. Една од препораките е детето да го смирите со купка. Секако треба да се внимава да се користат производи кои не се агресивни и се прилагодени за чувствителна и надразнета кожа склона на чешање и атопија.
