Психолозите објаснуваат дека дури и наизглед наједноставните работи што родителите ги прават со своите деца се токму спомените од детството кои тие најмногу ги паметат.
Приказни пред спиење
Истражувањата покажуваат дека читањето приказни пред спиење го зближува односот помеѓу детето и родителот. Тоа посебно, пријатно време на крајот од денот пред детето да заспие е одличен начин за поврзување, но и нешто што детето најчесто го памети од детството.
Гушкање и бакнување
Ако погледнете наназад на вашето детство и почувствувате љубов и среќа, големи се шансите тоа да било исполнето со љубовта на вашите родители. Имено, гушкањата и прегратките не се само симбол на љубов, туку и на поддршка и заштита. Психолозите советуваат да ги гушкаме нашите деца што е можно почесто бидејќи така тие ќе се чувствуваат безбедно, сакано и ценето, а еден ден и самите ќе станат родители полни љубов.
Заеднички оброци
Додека времето за вечера може да биде стресно кога децата се уште се мали и немирни, со текот на времето овие моменти ќе станат нешто што ќе го паметат во иднина. Имено, психолозите објаснуваат дека седењето заедно на маса со заеднички оброк, дури и ако тоа се случува само за време на викендите, станува едно од омилените спомени од детството на децата.
