“Бебињата и малите деца се како оддел за истражување на човечкиот вид“, тврди развојниот психолог Алисон Гопник. Таа тврди дека бебињата многу знаат за луѓето и светот, иако не зборуваат, а од нивните гримаси може да се дознае што всушност тие мислат.
Намуртено лице
Намуртеното лице кое може да биде проследено со негодување, значи дека бебето не се чувствува пријатно, особено ако плаче. Можен виновник за ова се гасови, што може да го решите со блага масажа на стомачето. Намуртеното лице без плачење и ширење на очите може да ве предупреди дека бебето извршило голема нужда.
Истражувачки поглед
Бебињата лесно стануваат фасцинирани од многу работи кои ги опкружуваат, а дека се во таква состојба ќе ви открие нивниот интензивен, испитувачки поглед во одредена насока или кон некој предмет. На бебињата им е исклучително интересно да гледаат работи или лица кои исчезнуваат.
Намуртени веѓи и стиснати усни
Ако има намуретни веѓи и стиснати усни, најверојатно детето е премногу стимулирано од надворешни информации и му е потребна малку самотија. Како би се смирило,ставете го бебето во лулашка или во лежалка и полека оддалечете се од него.
Налети на плач, викање или фрлање работи
Бебе кое изненадно плаче, вика или фрла нешта го бара вашето внимание и покажува дека му е здодевно. Играчки или некоја бебешка песна се решение за проблемот.
