Иако многу жени немаат никакви симптоми за време на овулацијата, има и такви кои чувствуваат непријатност која е кратка и безопасна. Може да забележите еднострана болка во стомакот неколку минути или дури неколку часа. Овулацијата вклучува отекување, а потоа и пукање на фоликуларната циста за ослободување на јајце клетката.
Чувството на болка за време на овулацијата може да варира од тапа до остро прободување. Исто така, болките може да бидат придружени со исцедок, а понекогаш дури и со мало крварење. Меѓутоа, доколку станат премногу силни или траат предолго, неопходно е да се консултирате со гинеколог. Како што објаснуваат лекарите, постојат неколку причини зошто може да имате болна овулација, а тие не се толку безопасни.
Тие вклучуваат:
- една или повеќе цисти на јајчниците
- ендометриоза
- инфекција
- сексуално пренослива болест
- ектопична бременост
Токму поради сè почестите гинеколошки проблеми, лекарите препорачуваат секоја жена да прави задолжителен гинеколошки преглед еднаш годишно, но и почесто доколку постои некоја тегоба кој бара лекување или симптоми кои не изгледаат вообичаено.
