Според психолозите, децата кои пораснале со родители кои им пружале безусловна љубов имаат одредени карактеристики кои ги немаат нивните врсници. Ако детето добивало премалку љубов во своето детство, тоа остава бројни последици за него во подоцнежни години. Експертите велат дека постојат некои суптилни знаци кои може да укажуваат на тоа дека нашите родители не ни давале доволно љубов кога сме биле деца.
Еден од знаците дека во детството сме добивале премалку внимание или љубов од родителите е ако постојано се плашиме да го кажеме своето мислење. Психолозите ова го нарекуваат потреба постојано да се задоволуваат другите. Имено, луѓето кои се борат со овој проблем, во детството често биле казнувани со занемарување или игнорирање кога направиле нешто лошо, поради што секое несогласување со другите го сметаат за лошо.
Освен тоа, луѓето кои не биле доволно сакани како деца често се склони кон перфекционизам. Тие секогаш чувствуваат потреба за докажување, истото што морале да прават како деца за да бидат ценети или пофалени од нивните родители. Мислат дека ќе бидат сакани само ако се успешни, богати или популарни, објаснуваат психолозите.
И последниот знак што покажува дека личноста не добила доволно родителска љубов во помладите години е поврзан со поставувањето граници. Имено, овие луѓе често не знаат да постават граници во односите со другите луѓе, најчесто со љубовните партнери или колегите на работа. Нивниот детски страв од несогласувања или потенцијални конфликти се манифестира во нивната зрелост.
