Постојат одредени периоди во текот на кои децаат сакаат да минуваат повеќе време “еден на еден“ со родителите од вообичаено. Знаете, кога неколку дена по ред останувате подолго на работа, или чекате долг ред во продавница при враќање дома, преморени сте, жешко ви е и не ви е до ништо… А, децата ве бараат и им требате. Еве како да препознаете кога е време да го оставите и неиспегланиот куп алишта и валканите садови. Се може да почека, да си поиграте и да им посветите време само на нив.
Овие промени во однесувањето на децата укажуваат на тоа дека им недостасувате повеќе од што умеат да кажат.
Ако тешко се будат, бавни се и оддолговлекуваат… најчесто е во прашање дека сакаат малку галење и малку повеќе внимание, барем додека им помагате да се облечат или измијат заби, иако тоа знаат и сами да го прават. Одвојте малку време, тие пет минути галење ќе бидат одличен почеток на денот за децата.
Одлично би било да сте тука, кога децата се враќаат од училиште, или од некоја активност. Тогаш секогаш зборуваат најмногу, и тоа е одлична можност да се поврзете и да бидете во тек со се што се случува. Ако не можете тоа да го изведете поради работата, погрижете се да вие, кога ќе се вратите од работа, им посветите малку време само за нив. Прашајте ги како го минале денот, како било во градинка, што се случувало… Што им било интересно тој ден.
И уште еден важен сигнал дека им недостасувате на децата е кога вашето, инаку добро дете, се однесува “невозможно“. Кога се немирни, децата само им порачуваат на родителите дека им се потребни. Колку побрзо ги сфатите, и што побрзо го оставите телефонот, компјутерот или што и да правите, и им посветите малку внимание, тоа подорбо.
Не се залажувајте, децата никогаш не се “невозможни“ без причина, а времето кое ќе го минете седејќи со нив во соба, а пребарувате по телефонот, не е квалитетно минато време.
Децата брзо растат, додека се свртите, веќе нема да ве викаат да им помагате пред спиење или наутро кога ќе се разбудат. Искористете го тоа драгоцено време додека се мали и уѓивате во секој момент.
