Швеѓаните ги воспитуваат своите деца „надвор од овој свет“, а можеби ова е барем делумно причината зошто Шведска редовно се наоѓа на врвот на листата на најдобри земји за растење и воспитување деца.
Тамошните родители имаат неколку златни правила, за кои пишува новинарката и мајка на две деца Катја Рунов, која со години живеела во Шведска.
- Сакаат, не казнуваат
Шведска е првата земја која целосно го забрани физичкото казнување на децата, што значи дека тамошните родители повеќе од 40 години не кренале рака на своите деца. И викањето и пцовките не се вообичаени во таа земја.
Швеѓаните за се разговараат со своите деца сериозно и како да се сосема рамноправни, а кога преку разговор не можат да го убедат детето да ги послуша, ги гушкаат и чекаат да помине ‘невремето’. На овој начин успеваат да ја вратат мирната атмосфера во која ќе можат да разговараат со меѓусебно почитување.
- Татковците се важни
Во секој парк во оваа земја, можете да видите татковци како туркаат колички со своите деца и разговараат со други татковци кои се грижат за своите малечки.
Татковците во Шведска имаат право на три месеци платено родителско отсуство, а повеќето го користат ова право.
- Момчињата и девојчињата се еднакви
Според тамошните закони, нештата како облека и играчки не се делат на девојчиња и момчиња, туку се е „за деца“, а родителите сами одлучуваат што да им купат на своите ќерки или синови.
Она што е сосема невообичаено во споредба со другите земји е тоа што во Шведска нема „машки игри“, па секој што сака може да си игра со роботи, трактори, коли-играчки… Ова придонесува за еднаквост меѓу момчињата и девојчињата.
- Без оценки до шесто одделение
Родителите во Шведска не се грижат за академските перформанси на нивните деца, барем во првите 12 години од нивниот живот. Имено, оценки во тамошните училишта не се даваат пред шесто одделение, а „оценувањето“ на детето пред тоа се врши усно, преку разговор меѓу наставникот и детето, со задолжително присуство на еден родител.
- Слатка недела
За Швеѓаните неделата е ден резервиран за слатки, па дури имаат збор за слатки што во превод значи „слатка недела“. Се верува дека таквата традиција е последица на свесноста за здравјето на забите, бидејќи сите знаат дека е многу подобро за забите да јадат слатки еднаш неделно, наместо секој ден. И уште една интересна работа – во оваа земја децата имаат право на бесплатно лекување на забите до 23 години.
