Многу родители креваат оаника кога нивното дете ќе кивне или ќе му протече носот и истиот момент го носат на лекар. Од друга страна, некои луѓе учат да се носат со здравствените проблеми на детето и не претеруваат околу најмала болка. Но, некои симптоми, сепак не треба да се игнорираат.
ПРОБЛЕМИ СО ВИДОТ
Бебето не може да ви каже дали видот му е заматен, но тоа вие може да го забележите, на пример, ќе забележите ако детето тешко фокусира одреден објект. Децата на училишна возраст може да имаат потешкотии со читањето, па прашајте го детето дали на училиште гледа се што е напишано на табла, оти често се случува поради проблеми со видот, детето да има проблеми на училиште, а тоа едноставно не гледа добро што наставникот пишува и не може да го следи градивото.
ВИСОКА ТЕМПЕРАТУРА И ТЕШКА ГЛАВОБОЛКА
Децата често имаат зголемена телесна температура предизвикана од помали инфекции и тоа е најчесто незагрижувачка состојба која нивниот организам, многу лесно ја победува. Но, ако се работи за зголемена температура со главоболка, особено ако е силна да детето едвај ги држи очите отворени, веднаш обратете се кај лекар.
БОЛКА ВО СТОМАКОТ
Некои деца имаат чувствителен дигестивен систем од останатите и често ги боли стомак, главно по храна која не им одговоара. Но, ако забележоте дека детето сеали на болка во долниот десен дел од стоамкот, повраѓа, има пролив и стомакот е чувствителен на допир, состојбата може да е сериозна и бара стручна помош.
ЕКСТРЕМЕН ЗАМОР
Ако забележите дека детето е поуморно од вообичаено и го нема она ниво на енергија на кое сте навикнале, немојте тоа да го игнорирате и да го препишувате на недостаток на сон. Причините може да се различни, и на лекарот е да ги истражи. Некои може да бидат анемија, главоболка или депресија.
ЕКСТРЕМНО ЧУВСТВО НА ЖЕД
По неколку часа трчање и игра со врсниците, детето ќе биде жедно, но екстрената жед е нешто сосема различно. Ако видите дека детето пие многу вода, информирајте го педијатарот, оти тоа е прв симптом за дијабетес.
