Неодамнешните, и сè уште непотврдени случаи на згрутчување на крвта по примање на вакцината на „АстраЗенека“ не потсетија колку тромбите можат да бидат опасни. Затоа е многу важно да знаеме како да ги препознаеме првите симптоми и на време да се јавиме на лекар.
Тромбите и не мора да бидат големи, но секако се опасни. Во тој случај, тромбите предизвикуваат чувство на недостаток на воздух, гушење, а тоа може и да залаже, па симптомите да не се препознаат, особено кај дебелите луѓе
„Оние кои имаат малигни заболувања се особено склони кон згрутчување на крвта, а доколку некој има карцином под терапија, а добил и коронавирус, ризикот му е двојно поголем за појава на тромб. Овие лица дефинитивно мора да бидат на превентивна терапија. А и луѓето после Ковид-19, особено оние кои имаат покачен Д-димер и продолжено воспаление, секогаш имаат превентивна терапија – прво инјекции, па потоа апчиња“, вели кардиолог проф. д-р Арсен Ристиќ за порталот „Нова.рс“.
Проф. д-р Ристиќ објаснува како да ги препознаеме првите знаци на тромб и со тоа да ги спречиме последиците. Пред се, тоа зависи од местото каде што се појавуваат тромбите.
„Тромбите обично се појавуваат во проширените вени на нозете. Потоа ногата отекува, станува болна, поплавува или поцрвенува. Овие се проблеми од голем степен, така што пациентот веднаш оди на преглед. Од друга страна, кога тромбите ќе се појават во белите дробови, тогаш тоа е придружено со гушење, болки во градите, понекогаш и губење на свеста и искашлување крв. И тогаш, поради сето тоа, пациентот обично веднаш се јавува на преглед“, вели тој.
Д-р Ристиќ вели дека тромбите може да се појават и на други места, на пример, на крвните садови на срцето, па потоа да се случи срцев удар или во цревата, иако обично не се јавуваат во здрав дел од крвниот сад, туку после скршена нога или колк, долготрајно лежење…
Оние кои имаат малигни заболувања се особено склони кон згрутчување на крвта, а доколку некој има карцином под терапија, а добил и коронавирус, ризикот му е двојно поголем за појава на тромб
Притоа тромбите и не мора да бидат големи, иако секако се опасни. Во тој случај, тромбите предизвикуваат чувство на недостаток на воздух, гушење, а тоа може и да залаже, па симптомите да не се препознаат, особено кај дебелите луѓе.
Промените во тој случај може да се видат на ЕКГ, анализа на крвта, ултразвук на срцето, а дијагнозата се поставува со комбинација на овие анализи, вели проф. д-р Ристиќ.
„Обично, во службите за итни случаи секој ден има еден до двајца пациенти кои имаат сомнеж за белодробна емболија, а овие тромби ни се најопасни и најважни“, вели проф. д-р Ристиќ, напоменувајќи дека белодробната емболија е петтата најчеста причина за смрт во светот. („Нова.рс“)
