Доколку почувствувате силни болки на десната страна на долниот дел на стомакот, голема е веројатноста да имате воспаление на слепото црево. Меѓутоа, оваа болка кај повеќето луѓе се јавува околу папокот и постепено се поместува на десната страна и станува посилна.
Оваа состојба може да биде исклучително опасна, бидејќи бактериите се размножуваат брзо и доколку не реагирате на време, може да пукне и да предизвика сериозни проблеми
Иако кај секој може да се јави воспаление на слепото црево, овој здравствен проблем најчесто се јавува кај луѓе на возраст од 10 до 30 години. Неговиот третман обично бара хируршко отстранување.
Покрај болката околу папокот и на десната страна на долниот дел на стомакот, постојат уште некои симптоми кои може да укажуваат на тоа дека имате воспаление на слепото црево. Тоа е болка која се влошува ако кашлате, одите или правите други остри движења, мачнина придружена со повраќање, губење на апетит, треска, надуеност и запек.
Местото на болката може да варира во зависност од возраста и положбата на слепото црево. Кај трудниците, болката може да изгледа како да доаѓа од горниот дел на абдоменот, бидејќи слепото црево за време на бременоста е малку повисоко од вообичаеното.
Доколку почувствувате некој од овие симптоми, задолжително посетете лекар за да утврдите дали се работи за воспаление на слепо црево.
Оваа состојба може да биде исклучително опасна, бидејќи бактериите се размножуваат брзо и доколку не реагирате на време, може да пукне и да предизвика сериозни проблеми.
