Респираторниот синцицијален вирус може да биде фатален за доенчињата и многу малите деца, а е многу заразен и се шири преку капки. Постои закана и од инвазивен стрептокок, што за само седум дена предизвика смрт на шест деца во Велика Британија.
Инфекцијата со респираторен синцицијален вирус е болест на малите деца кои одат во градинки и јасли. Особено брзо се шири во затворени простории и лесно се пренесува, пишува ХРТ.
Кога родителите ќе забележат дека детето има болки во грлото, има висока температура, детето треба задолжително да се однесе на педијатар, не е неопходно да се бара итна помош во болница
„Децата тешко можат сами да си ги измијат рацете, допираат играчки, користат заеднички предмети, си играат заедно и се блиску еден до друг, и тоа е еден од начините на пренесување. Човекот е резервоар на вируси кои се пренесуваат преку капки. Веќе и самото зборување, а камоли кивање и кашлање, го фаворизира преносот на вирусот“, објаснува епидемиологот Дијана Мајер.
Епидемиологот вели дека случаите на инфекции со стрептокока од групата А не се ништо загрижувачко.
„Тоа е болест која се шири во колективот. Најчеста клиничка слика кај стрептококите е стрептококната ангина. Кога родителите ќе забележат дека детето има болки во грлото, има висока температура, детето треба задолжително да се однесе на педијатар, не е неопходно да се бара итна помош во болница. Забележавме дека родителите не се придржуваат до препораката дека антибиотикот мора да се испие целосно, 10 дена, а не да се прекинува по 3-4 дена кога на детето ќе му биде подобро, да не го носат детето во градинка, туку да остане дома до комплетно излекување“, препорача Маер, а пренесува „Н1“.
