Родителите се грижат за тоа како да ги научат децата да бидат емпатични, етични, вредни и креативни. Меѓутоа, науката сугерира дека тие веројатно треба да поминуваат повеќе време размислувајќи за тоа дали нивните деца имаат самосочувство (свест за сопствените чувства).
Многу истражувања покажале дека сочуството има големо влијание врз нашата среќа и успех во текот на животот. Да се научи да се разговара сам со себе со истата нежност и разбирање што би му го покажале на пријател во слични околности, ни помага да го подобриме нашето ментално здравје, да го достигнеме врвот и да бидеме поотпорни, покажува новото истражување спроведено во Кина.
Значи, кога е во прашање родителството, самосочувството е особина на која и се посветува многу помалку внимание отколку што посветуваме на развојот на интелигенцијата, креативноста и решителноста кај нашите деца, но таа е многу важна.
Три едноставни начини за развој на самосочувство кај децата
Едукаторката Џејми Лин Татера на родителите им нуди неколку предлози кои можат да почнат да ги спроведуваат уште денес.
- Разговарајте со вашето дете онака како што сакате тоа да разговара само со себе,
- Моделирајте свест за сопствените чувства,
- Разговарајте со вашите деца за тоа како да се справуваат со чувствата.
„Иронично, децата кои гледаат совршени родители не се опремени со вештините што им се потребни за соочување со сопствените несовршености“, вели Татера.
