Дали е безбедно да забремените на 40 години? Раѓањето по 40-годишна возраст ги зголемува здравствените ризици и за вас и за вашето бебе. Бремените жени постари од 40 години имаат поголема веројатност да имаат гестациски дијабетес, прееклампсија (висок крвен притисок за време на бременоста) и спонтан абортус. Бебето е исто така изложено на ризик од висока родилна тежина, генетски абнормалности и предвремено породување.
Дали бременоста во 40-тите години е ризична бременост? Да, 40 години се смета за високоризична возраст за бременост. Истражувањата покажаа дека пренаталната грижа може да ублажи некои од овие ризици.
Може да биде предизвик да забремените после 40. година Родени сте со ограничен број на јајце-клетки, кој значително се намалува по 35 години. Шансите да забремените на 40 години се 44 %. Продолжете да читате за да дознаете повеќе за раѓањето бебе во четириесеттите години, веројатноста и ризиците.
Кои се шансите да забремените во четириесеттите?
Истражувањата покажаа дека шансите за забременување се намалуваат на 44 % на 40-годишна возраст, во споредба со 85 % на 30-годишна возраст. Постојат и други опции за плодност за да започнете или да го проширите вашето семејство ако имате проблеми со природно зачнување или имате неплодност поврзана со возраста.
Тие вклучуваат:
- Лекови за плодност кои можат да помогнат да се поттикне овулацијата;
- Ин витро оплодување (ИВФ) со употреба на замрзнати ембриони или донаторски јајце-клетки (јајца од друго лице);
- Интраутерино оплодување (IUI) или вештачко оплодување;
- Сурогат мајчинство, или гестациски носители.
Може да биде тешко да забремените и да останете бремени по 40 години. Американскиот колеџ за акушери и гинеколози (ACOG) советува да се посети лекар пред да се обидете да забремените за да се процени плодноста и здравствените ризици
Имајте на ум дека стапките на успех на методи како ИВФ опаѓаат како што стареете. Луѓето на возраст од 41-42 години имаат 12 % шанса да постигнат живо раѓање со ИВФ. Оние на возраст од 43-44 години имаат 5 % шанси. Употребата на донаторска јајце-клетка од помлад донатор може значително да ги зголеми шансите за успешен ИВФ циклус на 51 %.
Зошто опаѓа плодноста?
Имате ограничена понуда на јајце-клетки при раѓање, што значи дека сте родени со сите јајца што некогаш ќе ги имате. Оваа понуда на јајце-клетки значително се намалува по 35. година. Плодноста опаѓа до точка каде што е малку веројатно дека ќе забремените природно по 45. година од животот.
Квалитетот на овие јајца исто така се намалува со возраста. Јајцата се поподложни на оштетување на ДНК и генетски мутации доколку сте постари.
Кои се ризиците од бременост на 40 години?
Дали бременоста на 40-годишна жена е ризична? Да, трудниците постари од 40 години имаат поголем ризик од компликации од бременоста и породувањето. Овие компликации вклучуваат гестациски дијабетес, прееклампсија и спонтан абортус.
Може да биде тешко да забремените и да останете бремени по 40 години. Американскиот колеџ за акушери и гинеколози (ACOG) советува да се посети лекар пред да се обидете да забремените за да се процени плодноста и здравствените ризици.
Царски рез
Трудниците постари од 40 години поверојатно е да имаат потреба од царски рез, отколку другите. Докторот прави засек во стомакот за да го породи бебето. Царски рез е голема операција која често има побавно време за опоравување од вагиналното породување. Иако ретко, царските резови може да го зголемат ризикот од загуба на крв, згрутчување на крвта и инфекција.
Донаторите на јајце-клетки, репродуктивната технологија како ИВФ и сурогат мајчинството можат да помогнат да се овозможат бременоста и породувањето за постарите родители. Консултирајте се со лекар пред да се обидете да забремените. Колку побрзо почнете да добивате грижа и да се подготвувате за бременост по 40. година, толку подобри ќе бидат вашите резултати од здрава бременост
Дополнителните фактори на ризик влијаат на вашиот ризик од компликации по породувањето во четириесеттите. Жените постари од 40 години имаат помала веројатност да забременат по природен пат, па затоа многумина користат ИВФ за да забременат. ИВФ може да резултира со повеќекратни раѓања. Ризикот од царски рез значително се зголемува кај луѓето над 43 години кои користат ИВФ и носат близнаци.
Бројот на деца што претходно сте ги родиле, исто така, може да влијае на вашиот ризик. Постарите родители кои веќе родиле може да имаат поголема веројатност да имаат потреба од царски рез отколку помладите родители со деца. Луѓето кои го имаат своето прво дете по 40 години имаат поголема веројатност за царски рез отколку постарите родители кои веќе родиле.
Генетски абнормалности
Вашите јајце-клетки стануваат посклони кон хромозомски абнормалности како што стареете. Децата родени од родители постари од 40 години, на пример, имаат зголемен ризик од Даунов синдром (трисомија 21).
Дауновиот синдром е најчестото генетско нарушување поврзано со постарите родители. Шансите да имате дете со Даунов синдром се 1 на 1.480 во вашите 20-ти. Тој ризик се зголемува на 1 од 85 на 40 години и 1 од 35 по 45. година од животот.
Гестациски дијабетес и прееклампсија
Бременоста по 40 го зголемува ризикот од компликации како гестациски дијабетес и прееклампсија. Гестацискиот дијабетес предизвикува висок шеќер во крвта за време на бременоста. Студијата објавена во 2016 година покажа дека 8,5 % од бремените жени постари од 40 развиваат гестациски дијабетес, што е повеќе од двојно повеќе од ризик за лица помлади од 35.
Трудниците со гестациски дијабетес имаат поголема веројатност да родат бебе со висока родилна тежина преку царски рез и да имаат висок крвен притисок. Гестацискиот дијабетес и високиот крвен притисок, исто така го зголемуваат ризикот од прееклампсија. Прееклампсијата е нарушување на висок крвен притисок што може да доведе до опасни по живот компликации за родителот и бебето.
Спонтан абортус
Некои докази сугерираат дека ризикот од спонтан абортус е околу 53 % во четириесеттите, во споредба со 10 % во дваесеттите. Спонтаниот абортус е рана загуба на бременост што се јавува пред 20. недела од бременоста.
Спонтаниот абортус е многу чест, а многу луѓе имаат спонтан абортус пред и да дознаат дека се бремени. Губењето на бременоста може да биде трауматично и да резултира со емоционални, ментални и физички несакани ефекти.
Предвремено породување
Бремените жени постари од 40 години имаат поголема веројатност од предвремено раѓање отколку другите. Современата медицина им помогна на предвремено родените бебиња да преживеат и да продолжат да живеат здрав живот.
Новороденчињата родени предвреме имаат зголемен ризик од здравствени проблеми, како што се:
- Проблеми со дишењето и хранењето;
- Церебрална парализа (ЦП), која е група на нарушувања на рамнотежата и движењето;
- Одложувања во развојот;
- Проблеми со слухот;
- Проблеми со видот.
Истражувањата покажаа дека постарите родители, исто така, имаат 17,4 % шанси да имаат бебе со ограничување на растот на фетусот и 15,4 % шанси за висока родилна тежина. Ограничувањето на растот на фетусот го зголемува ризикот од проблеми со дишењето и видот и ранливост на инфекции.
Бременоста по 40. година го зголемува ризикот од компликации како гестациски дијабетес и прееклампсија
Поголема од нормалната родилна тежина може да доведе до комплицирани раѓања што резултираат со повреда или траума на родителот и бебето. Големите бебиња исто така имаат поголема веројатност да се породат преку царски рез.
Кои се придобивките?
Бременоста во четириесеттите има и неколку предности. Да се има бебе на 40, на пример, може да дојде со остварена кариера и финансиска стабилност.
Други придобивки од бременоста по 40 години за вас и вашите деца вклучуваат:
- Подобрена когнитивна функција кај постарите жени;
- Зголемена долговечност;
- Помалку е веројатно децата да имаат социјални тешкотии;
- Поголема финансиска стабилност за подигање на семејството;
- Поголема веројатност децата да успеат во образованието.
Истражувањата покажаа дека шансите за природно забременување на 42 години може да се зголемат ако јадете храна богата со хранливи материи, вклучително и храна богата со влакна. Спротивно на тоа, високиот внес на додадени шеќери, рафинирани јаглехидрати и трансмасти може да ја намали плодноста.
Подготовка за бебе во четириесеттите
Имајте на ум дека да се биде на возраст со висок ризик не значи дека не можете да имате здраво бебе. Бременоста на секого е уникатна, а раѓањето бебе после 40. година не значи дека автоматски ќе наидете на здравствени проблеми.
Можеби е предизвик да забремените по природен пат на 40 години. Донаторите на јајце-клетки, репродуктивната технологија како ИВФ и сурогат мајчинството можат да помогнат да се овозможат бременоста и породувањето за постарите родители. Консултирајте се со лекар пред да се обидете да забремените. Колку побрзо почнете да добивате грижа и да се подготвувате за бременост по 40-тата година, толку подобри ќе бидат вашите резултати од здрава бременост.
Криопрезервација и генетско тестирање
Криопрезервирањето или замрзнувањето на јајце-клетките во дваесеттите или триесеттите години може да ви помогне да ги зголемите шансите за забременување по 40. година. Лекарот ќе ве упати да инјектирате хормонски лекови дома неколку дена. Овие лекови предизвикуваат суперовулација, која им помага на јајниците да ослободат повеќе јајце-клетки.
Лекарот потоа хируршки ќе ги извади јајцата. Може да се одлучите и за генетско тестирање на јајце клетките или ембрионите (оплодени јајца) пред да ги замрзнете. Генетското тестирање ја анализира ДНК за да провери дали има генетски абнормалности.
Овој процес е скап: еден циклус може да чини дури 17.000 долари без здравствено осигурување. Веројатно ќе треба да плаќате годишен надомест од 300–500 американски долари за складирање на јајце-клетките (н.з. цените се однесуваат на САД).
Пренатална нега
Пренаталната грижа може да ублажи многу од ризиците од раѓање по 40 години. Истражувањата покажаа дека постарите родители кои добиваат соодветна пренатална нега немаат значително различни исходи од бременоста во споредба со оние под 40. Студија објавена во 2016 година покажа дека околу 17 % од постарите бремени жени имаат царски рез. Околу еден од 1.000 се породиле предвреме.
Пренаталната грижа за постарите родители може да вклучува:
- Усвојување здрав начин на живот пред и за време на бременоста, вклучувајќи исхрана богата со хранливи материи и да се остане физички активен;
- Присуство на редовни пренатални прегледи;
- Пораѓање во перинатален центар, кој е специјализиран за ризични бремености;
- Лекување на какви било основни здравствени состојби.
Подготовка за здрава бременост
Постојат неколку животни навики кои можете да ги прифатите пред да забремените за да го намалите ризикот од компликации. Еве како да се подготвите за здрава бременост:
- Не пијте алкохол и не пушете, и ограничете го кофеинот: Овие супстанции може да го отежнат забременувањето. Пиењето алкохол и пушењето исто така го зголемуваат ризикот од спонтан абортус.
- Јадете исхрана богата со хранливи материи: Консумирајте многу овошје, житарици, млечни производи со малку или без маснотии и зеленчук.
- Намалете го стресот: Најдете време да се опуштите и погрижете се да спиете многу ноќе.
- Останете физички активни: Концентрирајте се на 30 минути аеробни вежби со умерен интензитет пет дена неделно. Ова вклучува брзо одење, џогирање и пливање.
- Земете додатоци: Фолната киселина помага да се заштитите од вродени дефекти. Разговарајте со давателот на здравствена заштита или фармацевт пред да започнете со земање какви било додатоци.
- Посетете акушер-гинеколог: Овие даватели на здравствена заштита се специјализирани за репродуктивно здравје и бременост. Тие можат да ја прегледаат вашата здравствена историја и да разговараат за начините за поддршка на плодноста.
Краток преглед
Плодноста опаѓа со возраста. Шансите за забременување на 40 години се намалуваат од 85 % на 30-годишна возраст на 44 % на 40-годишна возраст. Постојат неколку ризици за раѓање на бебе на 40 години, вклучувајќи генетски абнормалности кај децата, гестациски дијабетес и прееклампсија.
Можете да ги ублажите овие ризици во соработка со акушер-гинеколог. Некои луѓе се одлучуваат да ги замрзнат јајце-клетките во дваесеттите или триесеттите години, што ја зголемува веројатноста за бременост по 40. година. Јадењето исхрана богата со хранливи материи, многу сон и физичката активност може да ја поддржат плодноста и здравата бременост. (Health)
