Штом се посомневаме дека детето не се чувствува добро или тоа ни се се пожали, првото нешто што обично го правиме е да му ја измериме температурата. Телесната температура може да биде важен показател за здравјето и да укаже на некоја инфекција, доколку е покачена.
А што значи кога детето има ниска температура, зошто и кога се случува тоа?
Ниската температура понекогаш може да ги загрижи родителите бидејќи се јавува поретко, а мајките и татковците не се сигурни зошто, ниту како да реагираат.
За нормална телесна температура се смета температура до 37 степени Целзиусови, но оваа вредност може да се менува во текот на денот во зависност од физичката активност на детето, исхраната, времето од денот, како и начинот на мерење на температурата (дали се мери ректално, во уво, во уста…).
Генерално, долната граница на нормална температура се смета за 36 степени, а доколку е пониска од тоа, најдобро е да се консултирате со лекар.
Причини за ниска температура кај деца
Ниската температура може да укажува на некои здравствени проблеми, а најчесто во прашање се:
- Хипотермија
- Недостаток на витамини и минерали
- Исхрана – строга диета, физичка или емоционална исцрпеност
- Проблеми со имуниот систем по одредена болест или генерално слаб имунитет
Труењето понекогаш може да доведе не до покачена, туку до намалена температура, треска и треперење на рацете- Алергиска реакција
- Хормонални нарушувања како што е хипотироидизам
- Болести на надбубрежните жлезди (на пример, Адисонова болест)
- Вирусни инфекции – температурата може да биде ниска поради прекумерна употреба на антипиретични лекови
